Gazetari i njohur, Enkel Demi shprehet se kryeministri Edi Rama dhe kryebashkiaku i Tepelenës, Tërmet Peçi duhet të gjobiten pasi kanë thyer masat anti-COVID.
Gazetari e tha këtë gjatë një bashkëbisedimi online me Shefen Survejancës së Shërbimit të Inteligjencës Epidemike në emisionin ABC-ja e mëngjesit.
Duke folur për masat e marra në këtë fazë të shpërthimit të pandemisë së koronavirusit, Demi tha se ka shumë politikanë që nuk i kanë respektuar ato masa.
Ai përmendi specifikisht takimin e kreut të qeverisë në Tepelenë me kryetarin e Bashkisë, Tërmet Peçi gjatë inspektimit të bypass-it.
“Unë nuk dua t’ju rëndoj me këtë që dua të them tani sepse është jashtë kompetencave tuaja por pardje duhej patjetër gjobitur administratori Tërmet Peçi kryetar Bashkie, bashkë me kryeministrin Edi Rama kanë qenë për drekë në një ambient të mbyllur, që nuk lejohet, dhe kryeministri ka qenë pa maska, ka marrë shërbim nga një kamarier pa maskë, dhe meqë është kryeministër nuk e gjobit njeri. Meqë është kryeministër nuk të infekton, nuk prish asnjë punë”, tha ai.
