Pas ekzekutimit të himnit kombëtar dhe leximit të vendimeve të Këshillit të Lartë të Prokurorisë, 8 prokurorët e SPAK bënë betimin e tyre para presidentit Ilir Meta.
Duke vendosur dorën mbi Kushtetutën e Shqipërisë, prokurorët u betuan para Presidentit Meta: “Betohem solemnisht se gjatë kryerjes së detyrës do t’i qëndroj kurdoherë besnik Kushtetutës së Republikës të Shqipërisë, ligjeve në fuqi dhe do të respektoj rregullat e etikës profesionale”.
Betimi i prokurorëve të SPAK do të shënojë edhe pushimin së funksionuari të Prokurorisë së Krimeve të Rënda. Bëhet me dije se për shkak të shkrirjes së institucionit, prokurorët e mbetur janë transferuar në institucionin e akuzës në kryeqytet.
Prokurorët e parë të SPAK, me një mandat 9-vjeçar, pa të drejtë riemërimi, janë:
Altin Dumani,
Arben Kraja,
Behar Dibra,
Edvin Kondilli,
Elida Celami(Kaçkini),
Ened Nakuçi,
Enkeleda Millonai,
Klodian Braho.
SPAK është struktura e posaçme që do të hetojë dhe çojë në gjykatë dosjet e korrupsionit dhe krimit të organizuar.
