E mërkurë, 20 Janar, 2021
8 C
Tirana

Erion Kristo rrëfen historinë: Pse gjithë gratë e gardistëve janë në rrezik

Nga: Anxhela Ferra

Shefi policisë i zonës Grumiere (Malësi e Madhe), Berhan Bajrakurti ndodhet nën pranga, pas publikimit të  video-skandalit seksual me një vajzë të mitur. Ngjarja tronditi gjithë opinionin publik, ku të shumtë ishin ata që e dënonin efektivin e policisë. Por, për gazetarin Erion Kristo rrëfen historinë personale: Pse gjithë gratë e gardistëve janë në rrezik!, problemi duhet të shihet në nivele institucionale.

“Poshtërimi vjen për shkak të strukturave shtetërore, jo për shkak të ngjarjes në vetvete. Për këtë duhet të shqetësohet shoqëria. Mbi shkallën e lartë të masivitetit dhe perversitetit.

Qëndrimi që mbajti ministri i Brendshëm ndaj ngjarjes, mu duk si një qëndrim prej Trump-i. A thua se këtu kemi arritur në nivelin që mund të bëjmë politika nga Twitter. Për mua z.Lleshaj nuk po garanton dot siguri. Qetësia e tij është frikë, mungesë maturie dhe paaftësi.”

Kristo thotë për Tirana Today rastet kur policia nuk i përgjigjet shqetësimeve të qytetarëve janë të shumta. Ndaj nuk është habi mos marrja e denoncimeve në të paktën tre komisariate. Kjo pasi sipas tij, pjesa më e madhe e policëve janë të lidhur me kriminelët.

“Pra, kur policia është e paaftë për të funksionuar, krimi do të aftësohet. Është një polici e cila është tërësisht e frikësuar para krimit real. Disa janë pjesë e tij dhe të tjerët janë thjeshtë të frikësuar.

Ka me dhjetëra raste ku edhe personazhe të rëndësishëm publik janë përballur me strukturat shtetërore. Dhe kanë dështuar me sukses, në kuptimin që nuk kanë marr aspak atë që prisnin. Por, këto nuk analizohen.”

Por, teksa ende mediat nuk kanë ndaluar së publikuari lajme nga video-skandali i djeshëm, një tjetër ngjarje e rëndë ndodhi sot. Këtë herë në radhët e gardistit, ku Alket Arapaj vrau bashkëshorten me armën e shërbimit, në sy të vajzës. Një ngjarje kjo e cila nuk ndodh për herë të parë nga gardistët, ku në tetor, Arjol Mançe vrau veten po me armën e shërbimit. Kristo thotë për Tirana Today se ky është një lloj çekuilibri brenda institucionit, e duhet të merren masa.

Lexo edhe :   Këstet e shtëpisë ia paguante babai/ Zbardhet pasuria e ish-ministrit Lleshaj

“Unë kam një njeriun tim që është e martuar me një gardist. Dhe në momentin që pashë atë lajmërimin mu drodh zemra. Po prisja që telefoni im të binte nga momenti në moment. Dhe ndjenja e frikës është një ndjenjë e tmerrshme. Me këto duhet të merret ministri. Pasi është ngjarje e përsëritur, këtu ngjan sikur gjithë gratë e gardistëve janë në rrezik për jetën.

Lexo edhe :   Këstet e shtëpisë ia paguante babai/ Zbardhet pasuria e ish-ministrit Lleshaj

Çfarë ndodh në Gardën e Shtetit që detyrohen njerëzit të humbasin ekuilibrin e tyre?! Dhe duhet të mendojmë që Garda është një institucion ku duhet të punojnë njerëz me ekuilibra shumë afër perfektes.

A duhet të ketë funksione psikologjike apo sociale të kryera brenda këtij institucioni?! Duhet të bëhet gjithçka është e mundur që ngjarje të tilla të mos përsëriten më. Pasi është i disati gardist që vret gruan. Unë nuk e di çfarë duhet të ndodhë më tepër që këta ta kuptojnë sa e rëndë është situata.

Ngjarje të tilla do të vazhdojnë të ndodhin sepse ne nuk dimë “t’i vëmë pikat mbi i” si shoqëri. Mënyrat tona të reagimit janë foshnjarake. Ne shajmë, batërdisim dhe në fund as nuk duam të kuptojmë. Por, ne si shoqëri i japim peshë njerëzve kacidhjarë, atyre që janë një përdorimsh. Dhe këta njerëz, për fat të keq kanë fatet tona në dorë.”/ TIRANA TODAY

- Reklama -

Më shumë nga kategoria




Të fundit

Vetëvendosja garon në zgjedhjet e 25 prillit, nesër prezanton kandidatët e parë

Lëvizja Vetëvendosje në Tiranë do të marrë pjesë në zgjedhjet parlamentare të 25 prillit. Ditën e nesërme, më 21 janar kjo forcë politike do të...

I përqafuar me bashkëshorten, Joe Biden mbërrin në Shtëpinë e Bardhë

Joe Biden ka mbërritur në Shtëpinë e Bardhë, ku do të fillojë orët e para të punës si President i SHBA, me firmosjen e...

Çfarë duhet të dini mbi historinë e Ditës së Përurimit të presidentit amerikan

E para Ditë e Përurimit në detyrë e presidentit të Shteteve të Bashkuara, ishte 30 prilli i vitit 1789, gjatë betimit të presidentit Xhorxh...

“Po vdes, dua të dhuroj 985.000 euro”, ja si u mashtrua familja nga Mamurrasi

Mbrëmjen e sotme në “Fiks Fare” është bërë një denoncim ku një famije nga Mamurrasi ka rënë pre e një mashtrimi. “Dua të dhuroj 985.000...

U kap me 16 kg ka*abis, arrestohet shqiptari në Britani (Emri)

Një shqiptar është arrestuar në Britani për kultivim kanabisi. 33-vjeçari me emrin Mirjan Smakaj punonte si kupshtar në një fabrikë droge në Gorse Hill. Në...