Ish-ministri i Drejtësisë, Ylli Manjani, ka shpërthyer ndaj ambasadores Yuri Kim, pasi ajo falenderoi kryeministrin Rama për ftesën për dialog mes palëve në Bjellorusi, për zgjidhjen e situatës së nxehtë politike.
Manjani e sfidon ambasadoren Kim, duke i kujtuar se si mund ta falenderosh Ramën kur ai vetëm pak kohë më parë prishi një marrëveshje të rëndësishme politike për Shqipërinë.
Bëhet fjalë për një marrëveshje të negociuar dhe nënshkruar në tokën amerikane që administrohet prej Yuri Kim.
Statusi
Zonja Yuri Kim shkruan zyrtarisht:
“Falënderojmë Edi Ramën për iniciativën e tij dhe i kërkojmë qeverisë së Bjellorusisë të pranojë ofertën e tij për të angazhuar në dialog të gjithë palët e interesuara. Siç deklaroi Rama, dialogu i hapur dhe konstruktiv është i nevojshëm për të gjetur një rrugëdalje në Bjellorusi”.
———————-
Është vendi të ftojmë zonjën Kim t’i referohet memories afatshkurtër. Vetëm një muaj më parë Edi Rama ja… një marrëveshje për dialog e zgjedhje të lira në Shqipëri.
Një marrëveshje e negociuar dhe nënshkruar në tokën amerikane që administrohet prej zonjës në fjalë.
Ndaj, sado të përpiqet ta largojë Ramën drejt Bjellorusisë, era e keqe e prishjes së asaj marrëveshje është këtu…
Të rrish në Shqipëri e të merresh me Bjellorusinë është kollaj. Puna është të rrish në Shqipëri e të merresh me problemet e Shqipërisë. Këtë kush e bën?!
