Deputetja e PD-së, Rudina Hajdari ka folur në lidhje me vendimin për të mos dorëzuar mandatin e deputetit, duke zgjedhur në këtë mënyrë mbajtjen e një qëndrimi kundër ndaj grupit të saj parlamentar.
E ftuar në emisionin ‘Open’, Hajdari tha se në asnjë moment nuk ka dyshuar, pasi vendimi i PD-së u bë pa u konsultuar, teksa shton se ishte një atentat kundër demokracisë.
“Në asnjë moment nuk e kam ndjerë se kam dyshim në këtë vendim, sepse akti i Partisë Demokratike për të dorëzuar mandatet, kishte disa problematika.
Nuk kishte një debat të gjerë për këtë vendim.
Unë nuk kam qenë fare pjesë e grupit parlamentar kur është dhënë ky vendim”, tha Rudina Hajdari.
Ndër të tjera, deputetja theksoi se vendimi i opozitës së bashkuar nuk është mbështetur as nga ndërkombëtarët.
