Ndryshe nga kryedemokrati Basha që dukej dje në tubim se ishte i distancuar, ish-kryeministri Sali Berisha shfaqej më aktiv dhe i vendosur.
Ai bëri thirrje për përmbysje të qeverisë. Gjatë një prononcimi të shkurtër për mediat në përfundim të tubimit, Berisha deklaroi se ky manifestim shënon fillimin e fundit të narkoshtetit.
“Përshëndetje vëllazërore për çdo pjesëmarrës në këtë miting shprese, në këtë miting që shënon fillimin e fundit të narkoshtetit”, u shpreh Berisha.
Ish-kryeministri ka reaguar sot në rrjetet sociale, ku shoqëruar me një foto shkruan se populli shqiptar është i vendosur që të mbrojë Kushtetutën.
Statusi
“Populli i vendosur te mbroj kushtetuten dhe te permbyse narkoshtetin dhe puçin e tij!
Nderim te madh 500.000 qytetareve qe i dolen zot kushtetutes ne Tirane dhe i futen tmerrin ne shpirt dhe lepurin ne bark narkoshtetit dhe kreut te tij puçistit Edvin Mafise. Rama ik! Fitore!”, shkruan Berisha.
