Pas ardhjes në pushtet, komunistët sekuestruan 320 ton ar, që ndodhej kryesisht në duart e popullatës. Ndërkohë sipas një shkrese zyrtare në vitin 1990, në Thesar figuronte vetëm 3 ton ar. Ku shkoi pjesa tjetër?
https://www.youtube.com/watch?v=jgIRsEdNrV4
Një pjesë e arit u përdor në vitet e para pas çlirimit për të blerë grurë dhe mallra të tjera nga Bashkimi Sovjetik. Dyshohet se pjesa tjetër e arit u depozitua kohë pas kohe në Perëndim, në llogaritë sekrete të udhëheqësve të lartë komunistë.
Në shkurt 1992, shtetasi amerikan Xhon Mekgou dëshmoi për transferimin nga Shqipëria në Zvicër të 10 ton ar në fillim të vitit 1991.
Ramiz Alia i hodhi në atë kohë poshtë këto pretendime. Por një hetim i policisë zvicerane, vërteton se vetëm më 3 korrik 1989, nga Tirana mbërritën me avion 3.100 kg ar. Ndërkaq në vitin 2000 në tunelet e Thesarit të Shtetit në Krrabë, dyshohet se u vodhën rreth 280 kg ar.
Për vjedhjen do të akuzoheshin disa fshatarë të zonës, ndërsa në shumë raste është akuzuar edhe kryeministri i kohës Ilir Meta, sot President i Republikës.
TIRANA TODAY
