E diel, 17 Tetor, 2021
12.5 C
Tirana

Deputeti godet sërish: Spitali i Lushnjes vetëm për synetlliqe

Deputeti demokrat Saimir Korreshi ka shkaktuar sërish të qeshura në salllën e Kuvendit, falë të vërtetave të tij të hidhura. Ai tashmë njihet si deputeti që është i drejtëpërdrejtë, dhe ti plas në sy të vërtetat. Deputeti i PD-së numëroi një mori problemesh që has Lushnja në lidhje me sistemin shëndetësor dhe atë arsimor, sidomos gjatë pandemisë. Saimir Korreshi tha se në spitalin e Lushnjes nuk jepet asnjë shërbim, përveç synetllëqeve, kurse shkollat sipas tij janë në kushte skandaloze.

Duke marrë si shembull qytetin e Lushnjes aty ku është zgjedhur si deputet, ai thotë se në këtë qytet nuk mund të bësh vaksina Pfizer ose të marrësh shërbim mjekësor kundër koronavirusit, nëse nuk ke miq të fortë.

“Nga ajo që dëgjova nga qeveria, u mallëngjeva. U mallëngjeva, por më pas ktheva kokën mbrapsht se më dërguan mesazh nga Lushnja. Mos harro se ti flen në Lushnje, po i thashë. Mu duk kjo historia e këtyre arritjeve globale, si fotografia që gjyshi i tregoi nipit. E bëri dhe e ndau në gjysëm e ja tregoi nipit. Se ishte veshur bukur me xhaketë, këmishë dhe kollare, ndërsa nga mesi e poshtë ishte lakuriq. Kështu është situata e mjekësisë shqiptare. Nuk e kemi vetëm tek vaksina, grupi parlamentar i PD-së është pro vaksinës. Por deri dje thonim çfarë vaksine të bëjmë, kinezen? Apo atë që nuk i dinim prejardhjen. Në Lushnje, për të bërë Pfizer, duhet të kishe mik të fortë, duhet të ndërhyje tek politikanët. Për të bërë një skaner, të thonë po nuk pate mik, do 4 javë. Po për 4 javë, virusi ka hyrë e ka dalë nga trupi.

Nuk punon priza, nuk ka lëndë për të bërë skanerin. Ta kalojmë në privat. Sistemi tregoi që spitali privat i Lushnjes hodhi poshtë gjithë mjekësinë tuaj, pasi përballonte gjithë qytetin. Ju se kishit kohën. Dua te falenderoj mjekët e Lushnjes, por jo drejtuesit që kishin në mendje të shihnin tenderin e urgjencës. Ju ftoj të vini të shikoni.

Nuk ju kërkon shumë kohë të vini në Lushnje, veç kohën që harxhoni në parukeri. Mjafton që të shohësh spitalin, pasi është beterr-mandat. U habitët nga deklaratat e mia se ka minj në spitale. Sot në Lushnje nuk po gjen macet, i kanë çuar tek spitalet që të hanë minjtë. Kjo është situata e pandemisë”,  tha Korreshi.

“Pse duhet të gënjejmë qytetarët? A e dini që infermierët po gëzojnë që jemi në kushte pandemie?! Pasi bëjnë shërbime në shtëpi dhe kërkojnë 50 mijë lekë (të vjetra). Kosto ku shkon. Ka bërë ndonjë kosto qeveria për këto? Bëni për të kuptuar si është e vërteta. Spitali i Lushnjes është kthyer në një spital që bën vetëm synetllëqe dhe nga dy herë apandesitin.

Ne kemi të gjithë pleq në shtëpi, falenderojmë Zotin që kemi shëndet, se do një orë e gjysëm të vijmë deri në Tiranë. Nuk ka asnjë ndihmë të parë në Spitalin e Lushnjes. Asnjë masë nuk keni marrë për shkolla, nuk ka as nevojat më minimale. Një shkollë elitë, gjendja është katastrofë. Kur flasim për tualetet, ne kemi disa kategori të thënit, hale, qenef, nevojtore dhe tualet. Ne jemi në kufijtë e qenefit dhe hales në Lushnje. Po kërkojmë banjo. E kuptoni ku është kjo propaganda juaj?!”.

- Reklama -

Më shumë nga kategoria




Të fundit

Mbështetësve të Lulzim Bashës tani po u del “droga”

Nga: Alfred Peza Lehtësia e papërballueshme me të cilën Lulzim Basha u artikuloi vendimin për largimin e Sali Berishës nga Grupi Parlamentar i PD, pas...

Itali/Vodhi brioshët, të nesërmen i paguan. Pronari i lokalit i ofron një punë

Ai vjedh brioshët në lokal, pastaj të nesërmen kërkon falje dhe paguan. Një histori dëshpërimi, por edhe mbi të gjitha dinjiteti dhe solidariteti që...

Kolumbia sterilizon hipopotamët e “Mbretit të kokainës”

Një grup hipopotamësh - një trashëgimi e padëshiruar pas vdekjes së mbretit famëkeq të drogës kolumbiane Pablo Escobar - po sterilizohen. Escobar, i cili u...

Rusia në gjendje emergjence nga infektimet, një mijë të vdekur në një ditë

Rusia të shtunën regjistroi 1.000 vdekje në një ditë të vetme për herë të parë, që kur filloi pandemia. 222.000 vdekjeve nga Covid është...

Misioni Lucy i NASA-s do të kërkojë ‘fosilet’ e Sistemit Diellor

Një anije kozmike është nisur nga Kepi Canaveral me një mision për të zbuluar "fosilet" e Sistemit Diellor. Sonda Lucy do të shkojë në...