Mjekja që u sulmua ditën e sotme nga një 65-vjeçar është Jorida Petrushaj.
Sipas policisë, mjekja u godit mëngjesin e sotëm në urgjencën e spitalit të Lezhës për shkak të detyrës, nga shtetasi me iniciale P.P., 65 vjeç.
Kujtojmë se ky është është rasti i dytë i dhunës brenda një muaji në spitalin e Lezhës.
Njoftimi
Shërbimet e Komisariatit Lezhë, pas njoftimit të marrë nga urgjenca e Spitalit se një shtetas ka goditur një mjek kanë shkuar menjëherë në urgjencën e spitalit ku kanë bërë shoqërimin dhe arrestimin në flagrancë të shtetasit P.P. 65 vjeç.
Ky shtetas rreth orës 09:35, tek urgjenca e Spitalit Rajonal Lezhë, për shkak të detyrës ka goditur mjekun e urgjencës.
Materialet procedurale do ti kalojnë Prokurorisë Pranë Gjykatës së Shkallës Parë Lezhë për veprën penale “Goditje për shkak të detyrës”.
