Kryeministri Edi Rama pritet që të shpallë sot rikandidimin e Vangjush Dakos në Bashkinë e Durrësit, për zgjedhjet lokale.
Rama po zhvillon sot takimin “Bashkia që duam” me qytetarë të Durrësit, ndërsa takimi është hapur nga kryebashkiaku aktual, Vangjush Dako.
Ky i fundit deklaroi para qytetarëve se pas çdo suksesi të bashkisë që ai drejton, qëndron qeveria dhe kryeministri Edi Rama.
“Dua t’u them sot të gjithë qytetarëve se pas të gjitha sukseseve të bashkisë së Durrësit qëndron qeveria dhe kryeministri Edi Rama”, tha Dako. Ai po ashtu sulmoi opozitën, për të cilën tha se ka tradhtuar qytetarët që e votuan duke djegur mandatet.
“Është faji i tyre që nuk kanë lidership, është faji i tyre që nuk kanë vizion. Kanë tradhtuar qytetarët, dhe qytetarët u kanë dhënë mësim çdo 4 vjet”, tha ndër të tjera kryebashkiaku.
