Ministri i Jashtëm grek, kërkon rinisjen sa më shpejt të bisedimeve me Shqipërinë për zgjidhjen e çështjes së kufirit detar. Nikos Dendias ka folur pë ecurinë e bisedimeve me Shqipërinë, lidhur me çështjen e kufirit detar. Ai ka thënë se marrëveshja me Shqipërinë është nënshkruar në vitin 2009, por për arsye të ndryshme nuk është zgjidhur. Në një intervistë për mediat greke, kryediplomati grek ka deklaruar se dëshiron që të zgjidhen sa më shpejt çështjet e prapambetura me Shqipërinë.
“Është zgjedhje e Greqisë përcaktimi i shefit kontinental dhe ZEE të bazohet në të drejtën ndërkombëtare, me të gjitha vendet fqinje. Kështu dëshirojmë edhe me Shqipërinë të zgjidhim këtë çështje të prapambetur sa më shpejt të jetë e mundur. Siç deklarova pak kohë më parë në Parlament, në debatin për ratifikimin e marrëveshjeve të demarkacionit detar me Italinë dhe Egjiptin, shpresoj që hapi tjetër të jetë nënshkrimi i një marrëveshje me Shqipërinë.
Më lejoni t’ju kujtoj se ne kishim nënshkruar një marrëveshje në 2009, por që nuk pati zhvillim për arsyet e panjohura. Shpresojë së shpejti të mundemi të rihapim sërish fillin e bisedimeve përkatëse, dhe të arrijmë në rezultate të kënaqshme për të dy palët.
Është e rëndësishme, në kontekstin e marrëdhënieve të fqinjësisë së mirë dhe duke marrë parasysh perspektivën evropiane të vendit tonë fqinj, të mbyllen të gjitha çështjet e hapura, pasi kjo automatikisht do të drejtojë në një azhurnim të marrëdhënieve tona dypalëshe dhe do të jetë në të mirën e të gjithëve”, ka thënë ministri grek.
