Bylykbashi kap ‘gafën’ e Ramës në Durrës: I hoqi qytetit 300 vite histori

Ish-deputeti i Partisë Demokratike, Oerd Bylykbashi ka kapur në gabim kryeministrin Edi Rama.

Kreu i qeverisë, gjatë një bashkëbisedimi ditën e sotme me qytetarët në Durrës, tha se porti ka një histori 2400 vjeçare.

Por, Bylykbashi me anë të një postimi në rrjetet sociale, u shpreh se Rama i ka hequr qytetit 300 vite histori.

Reagimi i Bylykbashit

“Paskan ardhur hienat ne Durres, me ne krye Ramen, qe te justifikojne babezine e tyre per llokmat qe i kane shqyer dhe po i shqyejne Durresit te durrsakeve, atyre qe jane ketu me breza dhe atyre qe kane vendosur ta ndertojne jeten ne Durres. Rama sapo keputi kumbullen qe Durresi eshte port 2400 vjeçar. Ngaterrohet me qytet tjeter, por aq di. As kete nuk di Kryeministri, qe Durresi eshte themeluar si qytet-port 2700 vite me pare.

Dhe pastaj do qe te kandidoje ne Durres! Keshtu eshte kur vjen me lugen dhe thiken ne brez dhe nuk ke respekt per qytetin me te vjeter ne Shqiperi dhe e masakron 20 vite rresht me kryebashkiaket socialiste. Keshtu eshte kur bie dakord qe betoni te varrose historine 2700 vjeçare. Me 25 prill duhet shpetuar Durresi nga keta grabitqare!”