Ish ministrja e Integrimit, Majlinda Bregu ka fituar zgjedhjet për pozicionin e Sekretarit të Përgjithshëm të Këshillit të Bashkëpunimit Rajonal përballe ish -kryeministrit dhe ministrit te jashtëm malazez, Igor Luksiç.
Në zgjedhjet e mbajtura pak ditë më parë, Bregu ka marrë shumicën e votave dhe zyrtarizmi pritet të bëhet nesër.
Megjithatë, në një status në faqen e saj në Facebook, ajo shkruan “Një falënderim miqësor për Ditmirin. Na ndajnë sinoret politike, por na bashkoi qasja Evropiane dhe përpjekja për të punuar pro Shqipërisë!”.
STATUSI
Fituam❗
Unë fitova garën, por fitorja i takon vendit tim!
Faleminderit të gjithëve që besuan dhe më votuan për pozicionin e Sekretarit të Përgjithshëm të Këshillit të Bashkëpunimit Rajonal.
Mirënjohje të gjithëve,vendeve anëtare, institucioneve shqiptare, Komisionit Evropian, EEAS( Shërbimi i Jashtëm i BE),Parlamentit Evropian, familjes time politike EPP, e mbi të gjitha vendeve që votuan bindshëm kandidaturën time.
U përpoqën të gjithë, me qartësinë se drejtimi prej meje i këtij institucioni do të ishte fitore e Shqipërisë dhe shqiptarëve!
Jam e nderuar sot që për herë të parë më takon mua të drejtoj si e para shqiptare në një pozicion të lartë ekzekutiv, institucionin që ka si mision fuqizimin dhe rritjen e bashkëpunimit në vendet e Europës Juglindore!
Një falënderim miqësor për Ditmirin. Na ndajnë sinoret politike, por na bashkoi qasja Evropiane dhe përpjekja për të punuar pro Shqipërisë!
E di që do të jetë një sfidë e vështirë, por nganjëherë e vështira është më e mira!
