Kreu i Urgjencës Kombëtare, Skënder Brataj, paralajmëron se në javën e fundit të korrikut dhe në javën e parë të gushtit pritet të arrihet piku i infektimeve me koronavirus.
Sipas tij, shkak për këtë janë bërë lehtësitë e lëvizjes dhe hapja e shumë sektorëve, si ai i transportit publik.
“Dy apo tre javët e ardhshme pritet të kemi një numër më të lartë infektimesh”, tha ai, raporton Java News.
Brataj sqaron se Komiteti i Ekspertëve në asnjë rast nuk rekomandon mbylljen e vendit, pasi do kalonte në kolaps.
“Mund të ketë kufizime të pjesshme nëse del situata nga kontrolli, por jo mbyllje të vendit”, shtoi ai.
Gjatë 24 orëve në Urgjencën Kombëtare regjistrohen rreth 2400 thirrje, 600 më shumë krahasuar me një javë më parë.
Pse rrogat rriten në letra, por varfëria rritet në realitet?
