Maqedonia e Veriut vijon të shënojë shifra të larta sa i takon rasteve të reja me koronavirus dhe numrit të viktimave.
Gjatë 24 orëve të fundit janë shënuar 114 raste të reja, duke e çuar në 7,046 numrin total të rasteve të regjistruara me koronavirus në vendin fqinj.
Numri më i madh i të infektuarve është në Shkup, përkatësisht 53 raste të reja, Strugë 13 raste, Tetovë 8 dhe nga gjashtë raste në Dibër dhe Shtip.
Ndërkohë, shtatë pacientë të tjerë kanë humbur jetën nga koronavirusi në orët e fundit. Kështu shkon në 341 numri total i viktimave të shkaktuara nga pandemia. Pesë të vdekur janë regjistruar në Shkup dhe nga një në Tetovë dhe Krushevë.
Autoritet njoftojnë edhe për 40 të shëruar gjatë 24 orëve të fundit. Nga 40 të shëruar, 26 prej tyre janë nga Shkupi.
