E premte, 15 Janar, 2021
3 C
Tirana

“Ti s’mund të bëhesh kurrë aktor”/ Devole tregon pse nuk ia dhanë rolin e Colit tek Debatiku

Aktori i njohur, Koço Devole, ka treguar një histori të panjohur lidhur me filmin shqiptar “Debatiku”.

I ftuar në emisionin “E diell”, Devole tha se në vegjëli ia kishin propozuar atij të parit rolin e personazhit kryesor “Coli”.

Mirëpo kishte qenë nëndrejtori i atëhershëm i Kinostudios, Todi Bozo, ai që ia kishte thyer shpresat. Sipas aktorit, Bozo i kishte thënë që ai ishte shumë i madh në moshë për këtë rol.

Ai tha se mjeshtri i madh Sulejman Pitarka, i kishte thënë që të mos mërzitej dhe se kur të rritej të të konkurronte në Liceun e Arteve për aktrim. Por në kohën që konkurroi, aktori tregon se ishte vetë Pitarka që e kishte refuzuar dhe i kishte thënë se nuk mund të bëhej kurrë aktor.

“Vjen regjisori Hysen Hakani në shkollën “8 Nëntori”, hyn në klasë, më shikon dhe më thotë: Ke qejf të marrësh pjesë në një film? Po kam i thashë unë.

Të nesërmen menjëherë kinoprovë. Më dha tekstin, ishte pikërisht skena me pëllumbat kur vjen Xha Lymi me karrocë… Kjo ishte kinoprova e parë. Pastaj bëmë edhe një tjetër me breshkën. Kur më thanë se nesër do nisim xhirimet, vjen nëndrejtori i Kinostudios së atëhershme, Todi Bozo, edhe thotë: Ç’bëhet? Këtë ke zgjedhur për Colin? Jo mo po ky është i madh. Jo po duhet më i vogël. Jo, jo në asnjë mënyrë. Hajde me mua në zyrë të bisedojmë. Prit më tha mua Hyseni, se erdha.

Prita, prita, prita, kur vjen aty Sulejman Pitarka. E kishte marrë vesh dhe më thotë mua mos u mërzit. Ç’është e vërteta është diskutuar se je pak i madh në moshë, duhet pak më i vogël. Po ti ke kohë, kur të vijë koha hajde në shkollën e lartë dhe të konkurrosh. Ashtu bëra edhe unë, konkurrova por nuk fitova. Nuk fitova dhe për ironi të fatit në komision ishte Sulejman Pitarka, që nuk e mbante mend. Unë i thash jam ai i rolit…Dëgjo tha: Më vjen shumë keq. Ti mund të bëhesh inxhinier i mirë, por aktor jo”, tha aktori Koço Devole.

- Reklama -

Më shumë nga kategoria




Të fundit

Pronat në jug/ Lame: Meritojmë medalje, bëmë një hartë se nuk ka pasur

Kreu i Kadastrës, Artan Lame ka folur lidhur me pronat e minoritarëve grekë në jug të vendit. Përballë kreut të OMONIA-s, Fredi Belerit, Lame u...

Dëshmi rrëqethëse: Lashë mbi 4 mijë euro në Sanatorium, babain e lanë pa bukë

Një ditë më parë emisioni “Stop” transmetoi dëshminë e vajzës së të ndjerës që ndërroi jetë nga Covid-19 në spitalin “Shefqet Ndroqi”. Ajo tregoi...

”Boshatiset” stoli i PSG, trajneri Poçetino infektohet me Covid-19

Trajneri i ri i Paris SG, argjentinasi Mauricio Poçetino, ka rezultuar i infektuar me Covid-19. Lajmi bëhet i ditur nga vetë klubi kryeqytetas, në prag...

Spiropali: Që nga 2013 janë regjistruar 235 mijë vende pune më shumë

Ministrja e Shtetit për Marrëdhëniet me Parlamentin, Elisa Spiropali është shprehur se që nga viti 2013 në vendin tonë janë regjistruar 235 mijë vende...

SHBA vijon tërheqjen e trupave nga Afganistani, kanë mbetur vetëm 2.500

Ushtria amerikane ka ulur nivelin e trupave në Afganistan në 2.500. Ky është niveli më i ulët i pranisë amerikane në gati dy dekada,...