Punonjësit e Bashkisë së qytetit Bajram Curri kanë hequr një poster të madh të Sali Berishës, i cili qëndronte prej gjashtë vitesh në një faqe muri në Pallatin e Kulturës. Sipas burimeve nga Bashkia, fotoja e Berishës është hequr pasi nuk ka pasur një vendim më parë për vendosjen e saj.
Vlen të theksohet fakti se heqja e fotografisë së Sali Berishës nga Pallati i Kulturës, vjen në një kohë kur Departamenti Amerikan i Shtetit e ka shpallur “non grata” ish-kryeministrin.
Sot është një ditë e shënuar për të. Ish-kryeministri Sali Berisha feston ditëlindjen e 77-të. Në një postim në faqen e tij në Facebook, Berisha shkruan se është më i motivuar se kurrë në një mision të ri, referuar “Foltores” përmes së cilës synon rikthimin në krye të PD-së.
Statusi
Sot 77 vjec!
Miq, sot jam 77 here i lumtur sepse kjo ditelindje me gjen:
– Me te motivuar se kurre ne mbrojtjen e te vertetave qe une besoj dhe,
– Ne nje mision te ri, jetik dhe vendimtar per fatin e Partise Demokratike dhe demokracise ne Shqiperi!
Mirenjohje te pakufishme te Gjithfuqishmit, familjes time, miqve dhe mbeshtetesve te mi ne Shqiperi dhe kudo qe jane, te cilet me besimin dhe mbeshtetjen e tyre bejne te mundur te permbushim se bashku kete mision! Lavdi Zotit! sb
