Një ditë më parë në Kuvend, kryeministri Rama tha se ai do çojë satelitë në orbitë vitin tjetër. Kjo do bëhet për të kontrolluar territorin, kufijtë dhe i gjithë kontrolli të kalojë në nivelin e teknoligjisë, ku të hiqet nga duart e atyre që kontrollojnë me sy. E ndërsa sot, kryeministri Edi Rama ka folur për mediat pas mbledhjes së Kryesisë së Partisë Socialiste.
Një nga pyetjet që gazetarët i bënë, ishte lidhur me satelitët shqiptarë “Albania 1” dhe “Albania 2” që do ngrihen në orbitë. Rama iu përgjigj po me ironi gazetarëve, duke u kërkuar që të kenë durim: “Kini durim, qeshni se e qeshura shëndet është dhe ju bën mirë të gjithëve”.
Satelitët artificialë janë pajisje të cilat shërbejnë për transferim të të dhënave anembanë rruzullit tokësor. Me anë të satelitëve, sot mund të parashikohet moti, mund të flasim në celular, futemi në internet, shikojmë zonat me minerale. Shikojmë ku ka ujë nën tokë e shumë e shumë të tjera. Të gjitha këto janë realizuar pas lëshimit në orbitë të 4000 satelitëve artificialë, secili prej tyre me një mision të caktuar.
Satelitët artificialë janë objekte të ndërtuara nga njeriu, të cilat janë të vendosura në orbitë nga largësia 2.000 deri në 35.000 km nga sipërfaqja e Tokës. Në orbitë ata rrotullohen rreth tokës.