E enjte, 2 Dhjetor, 2021
13.5 C
Tirana

“Unë i them asaj një gjë, ajo thotë diçka tjetër”, Putin “tallet” me gazetaren

Presidenti Vladimir Putin dukej se po kanalizonte stereotipin e klasave të pashkolluara të punës të Rusisë, kur ai u tall dhe ironizoi një gazetare me përvojë të biznesit amerikan. Ai pretendoi se ajo duhet të ishte shumë “e bukur” për të kuptuar argumentin e tij kompleks.

Debati u zhvillua të mërkurën, në një panel të Javës së Energjisë Ruse në Moskë të moderuar nga gazetarja e CNBC, Hadley Gamble. Gazetarja i kishte bërë ‘presion’ Putinit, mbi raportet e ndalimit të furnizimit me gaz të Rusisë për të rritur çmimet. Pasi udhëheqësi rus hodhi poshtë pretendimin, ajo pyeti se si Moska mund të bindë partnerët e saj evropianë se është një furnizues i besueshëm i gazit, në dritën e raporteve të tilla.

“Një grua e bukur, e bukur. Unë i them asaj një gjë, dhe ajo thotë diçka krejtësisht ndryshe. Sikur ajo të mos dëgjonte atë që thashë”, tha Putin, duke iu drejtuar anëtarëve meshkuj të auditorit.

Ai vijoi të sulmonte udhëheqësit evropianë se Moska mund të jetë duke përdorur energjinë si armë, duke i quajtur ata “jashtë mendjes” për të shprehur “absurditete të tilla”.

Dhe ndërsa ai e quajti atë “të motivuar politikisht” për të sugjeruar që Kremlini mund të përfitojë nga rritja e çmimeve të gazit, për të detyruar rregullatorët gjermanë të miratojnë tubacionin Nord Stream 2, ai tha se një miratim i tillë do të “lehtësonte ndjeshëm tensionet në tregun e energjisë”.

Ai më vonë vuri në dukje se ishte “krejtësisht e mundur” që çmimet e gazit së shpejti të arrinin 100 dollarë për fuçi. Në një intervistë të veçantë me Gamble, Putini shmangu një pyetje: “Unë preferoj të mos i përgjigjem pyetjeve të tilla, kjo është përgjigja ime tradicionale”, tha Putin. Ai vazhdoi duke vënë në dukje se “situata më lejon të kandidoj edhe 6 vjet të tjerë, por nuk kam marrë një vendim në këtë drejtim”.

Burimi i lajmit: thedailybeast. Përshtatur nga Tirana Today

- Reklama -

Më shumë nga kategoria




Të fundit

24 vende të botës me Omicron, OBSH: Rrezik më i lartë i ri-infektimit

Zyrtarët shëndetësorë thonë se varianti i ri i koronavirusit Omicron tani është bërë dominues në Afrikën e Jugut, dhe po nxit një rritje të...

Greqia konfirmon rastin e parë të Omicron. Gjobë kush nuk vaksinohet

Greqia ka raportuar rastin e parë të variantit të koronavirusit Omicron në ishullin e Kretës, njoftoi sot në mëngjes Ministri grek i Shëndetësisë, Thanos...

Akuzat për “Toyota Yaris”, Balla-Bashës: Kallëzoje penalisht Berishën

Në Kuvend janë rikthyer sërish përplasjet e ashpra ndërmjet mazhorancës dhe opozitës, në lidhje me ndryshimet në ligjin për "Pastrimin e parave". Kreu i...

4 mijë euro për gradën “Nënkomisar”, SPAK del me njoftimin e rëndësishëm

Një kryekomisar, me detyrë Lektor në Fakultetin e Hetimit pranë Akademisë së Sigurisë si dhe një Inspektor në Drejtorinë e Qarkullimit Rrugor të Policisë...

Basha: Institucionet shtetërore me kod omerta të mafies, pranoni Vettingun

Kryedemokrati Basha, nga Kuvendi bëri thirrje që të pranohet kërkesa për Vettingun në politikë. Gjatë fjalës së tij në seancën plenare në Kuvend, Basha...