Më herët, Ministrja e Shëndetësisë, Ogerta Manastirliu, njoftoi se qeveria ka vendosur që maskat të jenë të detyrueshme në ambientet e mbyllura. Në rast të mosrespektimit të këtij detyrimi, Policia e Shtetit, Policia Bashkiake, strukturat e inspektorateve shtetërore, do të penalizojnë me gjobë shkelësit.
Masa e gjobës është vendosur 2 mijë lek të reja, për çdo thyerje të rregullit. Por përkundrejt këtij rregulli, duket se vetë Rama e ka shkelur shumë herë.
Gazetari Artan Hoxha, me anë të një statusi në Facebook, tregon se si vetë kryeministri e ka thyer rregullin, ku në daljet e tij shfaqet me maskë por edhe pa maskë.
Sipas tij, në këtë formë kreu i qeverisë rrënon besimin e publikut. Ai e krahason me rastin e kryeministrit të Kosovës, i cili nuk shfaqet asnjëherë pa maskë në fytyrë.
Statusi
Mesele me maska te zeza…
Sot, Edi Rama u shfaq live nga sinjali i ERTV, ne nje inspektim punimesh per riparimin e pasojave te termetit te 26 nentorit, bashke me ministrin e kudokapara Ben Ahmetaj dhe stafin qe e shoqeronte, pa maska ne fytyre.
Nderkohe kur shkon ne takime me opoziten, ate parlamentare apo ate ne rruge, vendos maske te zeze, si ne ambjent te hapur, ashtu dhe ne ambjent te mbyllur.
Tani ndaje mendjen o “Baba i kombit”, si te bejme?!
Te mbajme maske apo jo?!
Dhe ku e kur ta mbajme?!
Nga nje ane, nxjerr ministra ne pike te diellit me maska ne fytyre, nxjerr “çiraket” mediatike qe i shperblen me VKM ne kohe pandemie, me maska te zeza ne ekran, pastaj del dhe vet me maske te zeze, por vetem kur takon keta te opozites.
Nga ana tjeter, shetit per kokerr te qejfit me nje staf te tere nga pas, dhe te kudondodhurin Ahmetaj, pa maske ne fytyre. Ia shtron per shtat pale qejfe dhe rrekellen bardhak me dhalle me Termetin, pa maske ne fytyre.
Fushatat sensibilizuese, alla kazan-mediatik, nuk behen duke u vendosur te tjereve maska te zeza ne fytyre, por duke mbajtur vete maske te zeze ne çdo dalje publike, ne çdo takim, ne ambjent te hapur apo te mbyllur…
Ndryshe e rrenon besimin e publikut tek ajo qe thua.
Nuk po shkoj shume larg, por vetem ne Prishtine, ku kryeministri Abdullah Hoti, nuk shfaqet kurre pa maske ne fytyre, kudo qe te jete, dhe me kedo te jete.
Fiks ajo shprehja:”Beni si them une, mos beni si bej une”.
