Kryedemokrati Lulzim Basha po zhvillon një bashkëbisedim me gazetarët në selinë blu, në një kohë kur zhvillimet politike janë të njëpasnjëshme. Ai bëri deklaratën e fortë se jemi në rrethanat kur Shqipëria po shkon drejt një grushti shteti.
Basha ka akuzuar drejtpërdrejt Ramën, teksa tha se erdhi në pushtet pas bashkëpunimit me krimin e organizuar dhe me bandat kriminale, e me to po mban pushtetin.
Duke folur për blerjen e votave në 2017, Basha tha se bashkëpunimi i Ramës me kriminelët nuk nisi në atë vit, por shumë më herët, që kur ishte kryetar bashkie.
Fjala e Bashës:
Shqipëria po shkon drejt një grushti shteti. Në këto kushte ku nuk ka snjë pikë dyshimi që zgjedhjet e 2017 u diktuan nga krimi i organizuar, nga paratë e pista të drogës, nga shitblerja masive e votës nga rrjetet kriminale, nga Avdylajt, Shullazaj, Habilajt, e Çelajt, pra ku anë e mbanë Shqipërisë rrjetet kriminale, dy vite më parë përmes një skeme të mirëmenduar dhe urdhëruar nga Rama, asgjësuan procesin politik të zgjedhjeve të 2017. E denoncuam që ditën e parë. Raporti i ministrave teknikë zbuloi qartësisht shkallën kriminale. Raporti i OSBE-ODIHR e cilësoi shitblerjen e votës, problemin numër një në Shqipëri. Prokuroria e kapur nga Rama fjeti mbi dosjet me qëllim që të mbronte rrjetet kriminale, duke bashkëpunuar me Dakon, Stërkajn, Tahirin, Xhafajn, përfshirë Ulsi Manjën. Kjo shkallë masive dhe sistematike e kërcënimit të votuesve dhe shitblerjes së votës, ishte shkaku i vetëm i rezultateve për mazhorancën fiktive. Bashkëpunimi me rrjetet kriminale nuk nisi në pranverën e 2017. Rama kandidoi për kryetarë bashkie njerëz me 7 emra, të kërkuar nga drejtësia.
Por as kjo nuk është fillesa e bashkëpunimit të Ramës me krimin e organizuar. 2013-a është gjeneza e bashkëpunimit të Ramës me krimin e organizuar. Rama nis bashkëpunimin me krimin kur ishte kryetar bashkie. Gjatë 11 viteve, Rama qëllim që të ishte vete ligji dhe maliqi. Kjo është historia e një njeriu i cili e lidhi fatin e tij politik me krimin e organizuar, me bandat e trafikut të drogës dhe me vrasësit. Me ata erdhi në pushtet, me ata e mban pushtetin.
