Kryetari i Partisë Demokratike, Lulzim Basha është munduar të afrohet më shumë me ndjekësit duke shfrytëzuar rrjetet sociale. Ai ka hyrë live në Facebook nga makina, praktikë kjo e ndjekur shpesh nga kryeministri Rama.
Por, ish-deputeti duket se nuk ia ka haberin teknologjisë, teksa ka pasur shumë probleme me mbajtjen e kamerës.
I ndodhur në siklet, fillimisht Basha kthen kamerën nga selfie në normale, duke filmuar udhëtimin drejt Durrësit, ndërsa mbulon kamerën herë pas here me gisht.
Ai madje ka nxjerrë celularin në dritaren e automjetit, duke shkaktuar lëvizjen e shpeshtë të pamjes.
Për më shumë ndiqni videon, e cila ka shkaktuar shumë komente dhe humor te ndjekësit e lideri të së djathtës.
