Kreu i opozitës, Lulzim Basha, ka komentuar në lidhje me raportin e nxjerrë nga OECD që e nxirrte Shqipërinë si e 4-ta në botë për emigracionin e personave me aftësi të larta në punë, dhe e 8-ta në botë për normën e largimit të intelektualëve.
Basha thotë se Rama përsëri përpiqet të fajësojë të tjerët, dhe se duhet të largohet ai që vendi të shpetojë nga kjo katastrofë.
“Edhe sot Rama u përpoq të fajësojë të tjerët për dështimet e tij. Largimi masiv i shqiptarëve është një nga dështimet më të mëdha të Ramës. Shqipëria po humb një brez të tërë prej largimeve masive të 8 viteve të fundit. Rama duhet të largohet që vendi të shpëtojë nga kjo katastrofë”, shkruan Basha në llogarinë e tij në Twitter.
Edhe sot Rama u përpoq të fajësojë të tjerët për dështimet e tij.Largimi masiv i shqiptarëve është një nga dështimet më të mëdha të Ramës.Shqipëria po humb një brez të tërë prej largimeve masive të 8 viteve të fundit.Rama duhet të largohet që vendi të shpëtojë nga kjo katastrofë.
— Lulzim Basha (@lulzimbasha_al) January 5, 2021
