Moti për nesër/ Reshje shiu në të gjithë vendin, mos harroni çadrat

Për ditën e mërkurë, moti parashikohet me vranësira dhe intervale të shkurtra kthjellimesh. Reshje shiu në të gjithë vendin me intensitet të ulët deri mesatar.

Ne veri-verilidje në lartësinë mbi 600 metra reshje në formën e dëborës, ndërsa në juglindje reshje bore në lartësinë mbi 1100 metra.

Mjegull e dendur në orët e mëngjesit, si dhe në momentin e reshjeve të shiut.

Era nga kuadrati i jugut me shpejtësi mesatare 1-8m/sek, e cila hera-herës përgjatë vijës bregdetare dhe në momentin e reshjeve fiton shpejtësi deri në 18m/sek. Valëzimi në dete i forcës 3-4 ballë.

Temperaturat parashikohen në:

zonat malore 1°C deri në 8°C

zonat e ulëta 4°C deri në 14°C

zonat bregdetare 6°C deri në 14°C