Moderatori Ardit Gjebrea ka sqaruar ndjekësit në rrjetet sociale, pasi dikush ka bërë një mashtrim në emrin e tij. Persona ende të paidentifikuar, kanë përdor emrin e Gjebreas për qëllimet e tyre në rrjetet sociale. Ai ka thyer heshtjen, ndërsa ka treguar se si qëndron e vërteta.
“Një i çmendur hedh një gur në lumë, dhe mua më duhet të reagoj… Por meqë ma kërkuan familjarët e mi, po e bëj.
E vetmja faqe në Instagram e imja është kjo këtu, dhe në Facebook është ajo e cila është verifikuar. Se çfarë bëjnë të tjerët, nuk është problem i imi. Sidoqoftë tani me këtë çështje po merren organet kompetente.
Kujdes! Mos jepni asnjë të dhënë tuajën personale, nëse ju kërkojnë nga llogari të ndryshme me emrin tim në Facebook ose Instagram.
Mos hyni në asnjë lojë që ka emrin apo foton time. Gjithçka është një tallje e dikujt. Vetëm kjo është faqe e imja, e verifikuar”, shkruan moderatori mjaft i dashur për publikun shqiptar.
