Jeta luksoze e Morena Tarakut në Dubai ka marrë një kthesë të papritur gjatë ditës së sotme, pasi qyteti është përfshirë nga situata alarmante mes tensioneve të forta në Lindjen e Mesme.
Dubait, i njohur për qetësinë, luksin dhe qiellgërvishtësit e tij, i janë shtuar momentet e pasigurisë, teksa raportohen shpërthime dhe aktivizim i mbrojtjes ajrore, pas zhvillimeve të fundit mes Shteteve të Bashkuara të Amerikës, Izraelit dhe Iranit.
Mes kësaj situate ndodhet edhe artistja shqiptare, e cila ka ndarë me ndjekësit pamje nga ajo që po ndodh rreth saj. Në një video të publikuar në Instagram, shihet një shtëllungë e madhe tymi dhe flakë në afërsi të zonës ku ajo jeton, ndërsa dyshohet se zjarri është shkaktuar nga mbetje të objekteve të rrëzuara në ajër.
Morena nuk ka fshehur emocionet, duke treguar se momentet e përjetuara i kanë rikthyer kujtime të dhimbshme nga lufta e Kosovës në vitin 1999. Ajo rrëfen se pamja e objekteve që kalojnë në qiell, të ngjashme me fishekzjarrë, i ka sjellë ndjesi frike dhe pasigurie.Artistja ka theksuar kontrastin e fortë mes jetës së luksit në një nga qytetet më moderne në botë dhe realitetit të papritur që mund të ndryshojë gjithçka brenda sekondash.
Ndërkohë, situata në Lindjen e Mesme mbetet e tensionuar. Pas zhvillimeve të fundit ushtarake në territorin iranian, janë raportuar kundërpërgjigje dhe rritje e masave të sigurisë në vendet e Gjirit. Autoritetet në Emiratet e Bashkuara Arabe kanë aktivizuar sistemet mbrojtëse, ndërsa në disa zona janë raportuar zjarre dhe incidente që lidhen me objekte të rrëzuara.Për Morenën dhe shumë shqiptarë të tjerë që jetojnë në Dubai, kjo ka qenë një përjetim i fortë që rikujton se edhe në vendet më të sigurta, situatat mund të ndryshojnë brenda një momenti.
