Konstitucionalisti Shkëlqim Hajdari, teksa analizoi zhvilimet politike në “News 24”, dha mesazhe të qarta e po kështu apeloi që palët politike ti largohen politikës së ping-pongut e parcelave, por të dalin në ring!
Duke analizuar në detaje tërë procesin politik e duke ndjekur rrjedhën e zhvillimeve për ‘hapjen e listave’, z.Hajdari kërkoi nga politika që të ballafaqohet me programe konkrete. Ai tha se nuk është në interesin e asnjë pale që të shkatërrojë zgjedhjet, ndërsa aspirojmë të integrohemi në BE.
Sot në Komisionin e Ligjeve u vendos që të gjitha propozimet do të integrohen në një draft të vetëm, për të bërë ndryshime në sistemin zgjedhor. Deputetët do të mblidhen sërish nesër, për të miratuar ndryshimet nen për nen. Konstitucionalisti Shkëlqim Hajdari, duke lënë pas tentativat e vazhdueshme të palëve, secila në interes të vetë, tha se çelësi i suksesit qëndron tek vullneti politik.
“Mediat kanë bërë me dije se opozita ka dërguar një draft në Këshillin Politik. U ra dakord që të gjitha draftet të diskutohen dhe të gjitha ndryshimet të integrohen me njëri-tjetrin. Në Parlament të shkohet me 1 draft. Kjo është reformë minimale demokratike. Listat duhet të jenë 100 për qind të hapura.
Unë mendoj se asnjë parti politike nuk është e interesuar të shkatërrohen zgjedhjet. Uroj t’i ikim politikës së kinezërive. Urojmë që shqiptarët të zgjedhin ata që duan në Parlament. Shqipëria është vend që synon integrimin në BE, dhe zgjedhje me një parti nuk duhet të ketë më. Mendoj se propozimi i z. Xhafaj ishte i drejtë, që votat të numërohen nga njerëz apolitikë”, tha Hajdari.
“Forcat politike janë të përgjegjshme, dhe shpresoj që dmth ti ikin politikës së ping-pongut dhe të pranojnë paktin se nëpërmet votës së lirë të zgjedhin nëpërmjet këtyre partive që përfaqësojnë. Mjafton që të kemi vullnet politik, për ti krijuar mundësi njerëzve dhe partitë të jenë në garë”, tha më tej z. Hajdari.
Lidhur me deklaratën e Kreut të Shtetit, i cili ka përshëndetur zyrtarizimin e propozimit të opozitës së bashkuar në Këshillin Politik ditën e djeshme, ai tha se është plotësisht dakord me atë se çfarë ka thënë Meta.
“Duke hequr qëndrimet politike të presidentit, jam dakord me ato që thotë Kreu i Shtetit. Rama, Basha etj duhet që të dalin në politikën e ringut. Duhet të ndodhë si në vendet anglo-sanksone. Kemi fushatën presidenciale në SHBA, e kemi përballjes mes z. Donald Trump dhe Joe Biden. Duhet edhe këtu një debat, për atë se çfarë do të bëhet me shqiptarët, largimin masiv, me ekonominë etj. Shqiptarët janë të etur për të parë diskutime intelektuale mes kryeministrit dhe liderit të opozitës.
Populli shqiptar është vital. Populli shqiptar reagon kur situata nuk mban më. Gjysma e votuesve shqiptarë janë jashtë shtetit, e uroj që të kthehen në Shqipëri. Shqipëria ka nevojë që presidentin ta zgjedhë popullin”, u shpreh Hajdari.
Z. Hajdari shtoi tej se populli është vigjilent për çfarë ndodh mes palëve poltike, e ndërsa tha në zhargonin e përditshëm se populli ‘reagon aty ku nuk mban më’. “Populli te shikon në dritë të syrit dhe reagon aty ku nuk mban më. Listat do hapen. Publiku shqiptar kërkon një reformë më të thellë demokratike. Është një proces. Të gjithë ata që kanë kërkuar ringritjen e demokracisë, janë në të drejtën e tyre që të nxjerin problematikën e madhe”.
TIRANA TODAY
