Koronavirusi vdekjeprurës po vijon të përhapet me shpejtësi të frikshme në Itali.
Në vetëm pak orë janë zbuluar 51 raste të personave të infektuar dhe janë shënuar 2 viktima. Sipas mediave italiane, 39 prej të prekurve janë zbuluar në Lombardi, ndërsa 12 raste janë konfirmuar në Veneto.
Dy prej të prekurve me koronavirus janë familjarë të burrit, që vdiq të premten në mbrëmje nga koronavirusi. Raportohet se në total po kontrollohen 450 persona, të cilët dyshohet se janë prekur nga koronavirusi.
