Prej mëngjesit të 26 nëntorit Shqipëria nuk është e njëjtë. Dhjetëra viktima, qindra të lënduar, mijëra ndërtesa të rrënuara. Dhe gjithçka u shkatërrua për 30 sekonda. Shqipëria vazhdon të lotojë. Por, sot ajo po loton më e fortë se kurrë. Se të gjithë janë bërë bashkë për të ndihmuar të prekurit nga tërmeti fatkeq. Më nevojtarët tashmë janë ata që kanë mbetur pa shtëpi, pa të tashme e pa të nesërme. Ndaj kushdo është duke u munduar t’i lehtësojë dhimbjen sado pak.
Menjëherë pas tërmetit fondacioni “Fundjavë Ndryshe” hapi një llogari online, ku shqiptarët anembanë botës kontribojnë. Veç shumës rekord të mbledhur prej 1.6 milion dollarësh, e cila vazhdon ende të shumohet, fondacioni ka ardhur në ndihmë edhe me Qendrën e Solidaritetit. E cila është vënë në dispozicion të kujtdo që kërkon një strehim. Po ashtu me magazinën ku mblidhen ndihmat e më pas bëhet shpërndarja e tyre pranë familjeve të prekura.
Për të vizituar ambjentet dhe për të parë si zhvillohet procesi i dhënies së ndihmave, Qendra u vizitua edhe nga kryeministri Edi Rama. I cili i shoqëruar nga drejtuesi i fondacionit “Fundajvë Ndryshe”, Arbër Hajdari, folën për zgjidhjen e situatës së tërmetit. Mënyrës si bëhet organizmi dhe shpërndarjes së ndihmave.
Fondacioni është duke shpërndarë ndihmat e domosdoshme si ujë, rroba, dyshekë, veshmbathje, shtretër dhe ushqime të gatuara. Ndërsa sapo të nisë procesi i rindërtimit, do të fillojnë edhe me bërjen e shtëpive për shumë nga të prekurit prej tërmetit./ TIRANA TODAY
