Nga Anxhela Ferra
Zgjedhjet lokale po zhvillohen në Shqipëri janë duke u zhvilluar normalisht, por deri tani sipas KQZ pjesëmarrja është vetëm 12%. Si ç’dihet, opozita ka bojkotuar këto zgjedhje dhe shumica e Bashkive janë me një kandidat.
Deputetja e Partisë Socialiste, Elona Gjebrea në një intervistë për Tirana Today pasi votoi te shkolla “Kushtrimi i Lirisë” në Tiranë u shpreh se është e kënaqur me pjesëmarrjen e deritanishme dhe me ecurinë e procesit të votimit.
Pritej që ditën e sotme të kishte tensione dhe pengim nga ana e opozitës për të penguar zgjedhjet, por në fakt nuk ka pasur tensione të tillë. Sipas deputetes tensionet nga ana e opozitës kanë ardhuri pasojë e mesazheve të forta nga faktori ndërkombëtar. Ndërsa shtoi se kanë ndodhur disa raste sporadike, por që janë të menaxhueshe.
Ndërsa pyetjes se fituesit praktikisht dihet kush janë dhe se çfarë do të ndodhë ditën e nesërme, Gjebrea tha se : Mazhoranca në këtë rast që është forca kryesore dhe ka përgjegjësi për të çuar më tej reformat dhe shpresoj që të gjenden urat e komunikimit që opozita të vijë në tryezat e bisedimit.
INTERVISTA e plotë:
Si po shkon procesi i votimit dhe si është pjesëmarrja deri tani?
Është një proces i qetë dhe ka goxha pjesëmarrje. Shpresojmë që të kemi pjesëmarrje të kënaqshme, sipas objektivave që kemi vënë. E rëndësishme është që nuk ka situata problematike, situata dhune, njerëzit votojnë të qetë. Deri tani nuk kemi pasur ndonjë situatë të tillë që do të sillte edhe mbylljen e qendrave të votimit dhe me thënë të vërtetën unë deri tani jam e kënaqur.
PD ka bërë protesta të tensionuara dhe të dhunshme, pse mendoni se janë tërhequr sot?
Mbështetja e faktorit ndërkombëtar për të drejtën e shqiptarëve për të votuar, kanë dhenë mesazhet e tyre. Dhe nga mesazhet e opozitës tregojnë se janë tërhequr dhe distancuar nga rastet e dhunës, kjo është në të mirën tonë. Por ka edhe raste sporadike të cilat kërkojnë vëmendje.
Nesër kur të përfundojë e gjitha, fituesit dihen pasi kandidojnë të vetëm në listë, çfarë do të ndodhë?
Është pyetje e bukur dhe e vështirë. Mazhoranca në këtë rast që është forca kryesore dhe ka përgjegjësi për të çuar më tej reformat. Për të krijuar një atmosferë dialogu, e cila nuk pengohet nga ana jonë por nga mosbashkëpunimi i opozitës. Shpresoj që të gjenden urat e komunikimit që opozita të vijë në tryezat e bisedimit, në radhë të parë për reformën zgjedhore, por në të gjitha reformat që i duhen Shqipërisë dhe na ndihmojnë në procesin e integrimit në BE.
Me urimet keni filluar?
Akoma jo.
TIRANA TODAY
