Gjykata Kushtetuese ka vendosur të dërgojë për shqyrtim kërkesën e PD-së për mënyrën e zgjedhjes së Avokatit të Popullit, Endri Shabani.
1/5 e deputetëve kërkojnë kushtetutshmërinë e vendimit përkatës të Kuvendit për Avokatin e Popullit. Ata kërkojnë verifikimin e zgjedhjes së Endri Shabanit.
Partia Demokratike ka çuar në janar të këtij viti në Gjykatën Kushtetuese procedurën e zgjedhjes së Endrit Shabanin si Avokat i Popullit.
Demokratët kanë kundërshtuar rrugën e ndjekur nga Kuvendi në fund të vitit të kaluar, duke akuzuar PS-në se ka shkelur ligjin dhe prishur traditën e zgjedhjes së një Avokati të Popullit nga radhët e opozitës.
Sipas PD-së, deputetët e opozitës i kishin tërhequr firmat për mbështetjen e Endri Shabanit përpara se ai të kalonte për votim në Parlament, akt i cili nuk u pranua nga socialistët me argumentin se ishte bërë përtej afateve të parashikuara me ligj.
