Policia e Shtetit ka marrë masa ekstreme për protestën e sotme, e paralajmëruar si më e madhja e opozitës nga Basha e Kryemadhi.
Siç duket edhe nga fotot, dyert e Kryeministrisë janë salduar me llamarina gjatë natës, për të shmangur incidente të tilla si në protestën e 16 shkurtit, ku disa protestues dëmtuan dyert me mjete të forta.
Tek rrethimi metalik do vendoset brezi i parë i policisë, të paarmatosur, të pajisur vetë me maska kundragaz. Në terren kanë zbritur zyrtarët më të lartë të policisë, pjesa e lulishteve para Piramidës është rrethuar po ashtu.
Kamera sigurie ndodhen në të gjitha shtyllat e ndriçimit përballë Kryeministrisë, ku vetëm në një shtyllë janë instaluar të paktën 3 kamera sigurie.
Po ashtu, gjatë protestës mund të ketë fjalime teksa në rrugë tashmë po vendoset një podium.
Edhe te Ministria e Brendshme ndodhen forca të mëdha policie, ndërsa ministritë e tjera nuk janë në ruajtje./ Tirana Today
