Rudina Hajdari do të vijojë të jetë deputete e Kuvendit të Shqipërisë, edhe me riskun për të mos qenë më pjesë e Partisë Demokratike që e nxori deputete. Ajo tha publikisht se do të zgjedhë interesin e Shqipërisë, pasi nuk mund të ndjek një vendim që shkon kundër frymës së Kushtetutës së vendit.
Në intevistën për “Zërin e Amerikës”, Rudina solli në fokus rastet kur PD ka përjashtuar anëtarë apo deputetë të saj. Një ndër ta ka qënë edhe i ati i saj i ndjerë, Azem Hajdari. Duke qëndruar në të njëjtën linjë, ajo paralajmëron Bashën se para se të marr një vendim të formës së prerë, duhet të matet mirë.
Rudina Hajdari i vë ‘shkelmin’ PD-së: Po dëmtoni integrimin e Shqipërisë!
“Kjo nuk është hera e parë që PD përjashton anëtarë apo deputetë të saj, ka ndodhur dhe në familjen time. Ka ndodhur me tim atë dy herë. Në ato raste janë penduar për këtë lloj vendimi. Duhet të jemi shumë të matur para se të marrim këto lloj vendimesh, dhe të jemi të kujdesshëm se çfarë mesazhesh ne japim me këto vendime.
Nuk mund të ndjek dot një vendim kolegjal, që shkon kundër frymës së Kushtetutës së Shqipërisë, kundër interesave të Shqipërisë. Më vjen keq nëse zhgënjej partinë time, por unë do të zgjedh interesin e Shqipërisë.
Gjërat janë në ajër, dhe nuk dihet se çfarë do të ndodhë. Do kem një marrëdhënie normale me kolegët”, u shpreh ajo.
Rudina Hajdari del kundër Kryemadhit: Nuk luftoj krah LSI-së, ka probleme me blerjen e votës
