Ministria e Shëndetësisë ka shkarkuar nga detyra mjeken e fshatit Gradisht në Lushnje, e cila lëshoi një certifikatë vaksinimi pa e kryer vaksinën, kundrejt lekëve. Ministria e Shëndetësisë, pas marrjes së denoncimit nga emisioni “Fiks Fare”, ka urdhëruar gjithashtu edhe heqjen e licencës per mjeken.
“Duke e konsideruar këtë akt, një veprim kriminal, shkelje të rëndë në dëm të shëndetit të qytetarëve dhe shëndetit publik të popullatës në situatën e pandemisë, Ministria e Shëndetësisë do t’i kërkojë Urdhrit të Mjekut, heqjen e licensës së ushtrimit të profesionit për mjeken në fjalë. Ministria e Shëndetësisë ka marrë edhe masën e lirimit nga detyra të drejtorit të qendrës shëndetësore Gradisht, me inicialet A.Gj”, thuhet në njoftim zyrtar nga ana e Ministrisë së Shëndetësisë.
Kundrejt 50 eurove, mjekja plotëson kartonin e vaksinimit me të dhënat e gazetares, shënon datën e vaksinimit dhe numrin e barkodit të vaksinës të cilën ‘pretendohet’ se kishte përdorur. Pas 30 ditësh, ajo i kërkon gazetares të paraqitet për dozën e dytë.
“Duke e konsideruar këtë akt, një veprim kriminal, shkelje të rëndë në dëm të shëndetit të qytetarëve dhe shëndetit publik të popullatës në situatën e pandemisë, Ministria e Shëndetësisë do t’i kërkojë Urdhrit të Mjekut, heqjen e licensës së ushtrimit të profesionit për mjeken në fjalë.
Ministria e Shëndetësisë ka marrë edhe masën e lirimit nga detyra të drejtorit të qendrës shëndetësore Gradisht, me inicialet A.Gj.
MSHMS inkurajon organet kompetente t’i shkojnë deri në fund investigimit dhe ndëshkimit të çdo akti korruptiv, që baltos punën e mijëra mjekëve dhe infermierëve, si dhe cënon shendetin publik të popullatës”.
