Një 62-vjeçare humbi jetën sot në Spitalin Infektiv, ndërsa Ministria e Shëndetësisë sqaron se e ndjera vdiq si pasojë e sëmundjeve bashkëshoqëruese. Në reagimin për media, Ministria sqaron opinionin publik se pacientja ka humbur jetën si pasojë e një sëmundje të rëndë kronike të pankreasit. Me vdekshmëri shumë të lartë, pankreatiti nekrotizant.
62-vjeçarja që vuante edhe nga kanceri dhe astma bronkiale, është sjellë një ditë më parë në gjendje të rëndë nga spitali i Shkodrës, ku rezultoi bartëse e COVID-19, por pa shenja klinike të sëmundjes.
Referuar shërbimit Infektiv, 62-vjeçarja nuk ka ndërruar jetë si pasojë e COVID-19, pasi ishte asimptomatike për këtë sëmundje. Por si pasojë e sëmundjes së rëndë të pankreasit.
Njoftimi
Lidhur me lajmin e publikuar në media për vdekjen e një paciente me COVID19, Ministria e Shëndetësisë dhe Mbrojtjes Sociale informon se:
Gjatë ditës ka ndërruar jetë në Spitalin Infektiv një 62-vjeçare, si pasojë e një sëmundje të rëndë kronike të pankreasit, me vdekshmëri shumë të lartë: pankreatiti nekrotizant. 62-vjeçarja që vuante edhe nga kanceri dhe astma bronkiale, është sjellë ditën e djeshme në gjendje të rëndë nga spitali i Shkodrës, ku rezultoi bartëse e COVID19, por pa shenja klinike të sëmundjes. Referuar shërbimit infektiv, 62-vjeçarja nuk ka ndërruar jetë si pasojë e COVID19, pasi ishte asimptomatike për këtë sëmundje, por si pasojë e sëmundjes së rëndë të pankreasit.
