Roma ka zyrtarizuar shkarkimin e Eusebio Di Francesco-s pasditen e së enjtes, me Claudio Ranieri që pritet të marrë rolin e trajnerit të përkohshëm deri në fund të sezonit.
“Në emër të gjithë pjesëtarëve të klubit AS Roma, falënderoj Eusebio-n për punën e bërë me ne,” shprehet presidenti Jim Pallota në faqen zyrtare të klubit.
“Që kur u rikthye në klub, Eusebio është sjellë gjithmonë si një profesionist duke vendosur nevojat e klubit përpara të tijave. I urojmë gjithë të mirat në të ardhmen.”
AS Roma can confirm head coach Eusebio Di Francesco has left the club with immediate effect.
The club would like to thank Eusebio for his work during his time at #ASRoma and wish him success in the future.
Full story ➡️ https://t.co/QGeElB7LnF pic.twitter.com/5wa9ndQeda
— AS Roma English (@ASRomaEN) March 7, 2019
Mbrëmjen e së mërkurës, tekniku refuzoi të fliste me mediet, duke marrë një gjobë nga UEFA, pas eliminimit nga Champions League.
Ishte rezultati i dytë zhgënjyes brenda dy ditëve, pasi u mposht nga Lazio në derbin e kryeqytetit të dielën.
Pasditen e së enjtes është zhvilluar një takim në Trigoria mes drejtuesve dhe është vendosur për shkarkimin e trajnerit.