E shtunë, 23 Janar, 2021
8 C
Tirana

Rama: Ç’kërkova nga marrëveshja e 17 majit, LSI solli fenomenin e shitblerjes së votës

Kryeministri Edi Rama ka akuzuar opozitën për atë që ai cilëson “baltosje” në gjuhë të huaj. Duke treguar efektet negative që protestat dhe thirrjet e Bashës dhe Kryemadhit sjellin, kryeministri Rama ka zbuluar edhe çfarë ka kërkuar nga marrëveshja e 17 majit me Lulzim Bashën.

Rama zbulon në një komunikim në Facebook se ka kërkuar vetëm 2 gjëra: rezultati i zgjedhjeve nuk kontestohet dhe Shqipëria nuk shahet në gjuhë të huaj.

Më tej, kryeministri akuzon LSI-në se solli fenomenin e shitblerjes së votave, ndërsa jep një mesazh për ata që i bashkohen opozitës, se nuk dëmtojnë qeverinë, por vetë Shqipërinë.

Fjala e kryeministrit Rama:

Është e vështirë t’i gjesh fjalët për fjalët në gjuhë të huaj për atë që quhet kryetari i opozitës, por që fatkeqësisht nuk është as lideri, as kujdestari, as përfaqësuesi i saj. I atyre njerëzve që janë në të drejtën e tyre të mos e votojnë partinë më të madhe. Shumica jonë s’janë si ata dhe nuk e duan baltosjen e Shqipërisë në gjuhë të huaj, përkundrazi e vuajnë sinqerisht, e dënojnë moralisht një qasje të atillë humbësash pa pikë dinjiteti. Gjermanët kanë një rregull të pashkruar: asnjë fjalë me të huajt për konfliktet e brendshme politike.

Shpia nuk është skemë për të shfaqur në sytë e tërë lagjes të gjithë problemet e mosmarrëveshjet e brendshme. Atdheu është një shtëpi, që nuk mund të nxihet rrugëve të botës, sepse bota s’e ka as ngenë dhe as përgjegjësinë t’i rregullojë punët që nuk na shkojnë mirë. Madje kjo lloj derdhjeje e tenxhereve u vete për shtat vetëm atyre që s’ua duan të mirën Shqipërisë dhe askujt tjetër.

Ky lloj eksporti i baltës dhe ziftit përmes kanaleve të huaja godet edhe shqiptarët që jetojnë e punojnë nëpër botë. Kur nënshkruam marrëveshjen me Bashën i dhashë gjithçka që ai dëshiroi dhe i kërkova vetëm dy gjera: rezultati nuk kontestohet dhe Shqipëria nuk shahet në gjuhë të huaj. Por u desh një sezon veror që këto dy pika të avullonin dhe avazi i vjetër të rifillonte për të arritur kulmin së fundmi. Një tjetër humbje e thellë dhe e pastër po afron për PD dhe simotrën e saj LSI-në, që është në fakt prurësja e mirënjohur e fenomenit të shitblerjes së votës. Po të mos kishte LSI, s’do kishte as shitblerje serioze vote në Shqipëri.

Harrojnë se shqiptarët nuk janë budallenj dhe kush e ka marrë për të tillë e ka paguar gjithnjë shtrenjtë. Akuzave i janë shtuar kërcënimet që nxisin dhunë, por harrojnë se dhuna nuk e ndryshon vullnetin e popullit përcaktuar me votë. Dhuna godet ekonominë e Shqipërisë.

Opozita po sillet si i mbyturi që të mbyt, nuk është qeveria ajo që mund të mbytet, por është Shqipëria ajo që po mbytet. Çdo shqiptar i mirë që nuk e do këtë qeverinë, të mos harrojë se kur bashkohet me opozitën, nuk e bën Shqipërinë ë të mirë, por pikërisht Shqipërisë i bën keq dhe aspak qeverisë./ Tirana Today

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...