Mbreti i Tajlandës, Maha Vajiralongkorn, është monarku më i pasur në botë, me një vlerë neto prej të paktën 43 miliardë dollarë. Urdhri i parë që firmosi pas kurorëzimit të tij, ishte transferimi i pronave të Kurorës në pronësinë e tij personale.
Pasuritë e kontrolluara prej tij, besohet të vlejnë të paktën 70 miliardë dollarë. Maha zotëron të paktën 16.000 hektarë tokë në Tajlandë. Mbreti ka në dispozicion një flotë të madhe makinash luksoze. Ai zotëron avionë komercialë, helikopterë dhe avionë luftarakë.
Vetëm mirëmbajtja e tyre kushton 64 milion dollarë në vit. Ai zotëron diamantin më të madh në botë, plot 546.67 karat, që vlen 12 milionë dollarë. Edhe pse Tajlanda është një nga vendet më të varfra në Azi, mbreti përdor 1 miliardë dollarë nga buxheti i shtetit për shpenzimet e familjes së tij.
Kjo shkaktoi disa muaj më parë protesta popullore në vend, të cilat u shtypën për forcë. Çdo kritikë e perceptuar ndaj Mbretit, dënohet me deri në 15 vjet burg.
TIRANA TODAY
