Pasi publikoi hartën e vendeve të gjelbërta, të cilat do të përfitojnë në lehtësimin e masave nga koronavirusi, Rama po zhvillon një komunikim live me kryebashkiakët e këtyre zonave.
Përmes një komunikimi live në Facebook, Rama i ndau disa detyra të rëndësishme kryebashkiakëve. Kreu i qeverisë i kërkoi atyre që të marrin masa personalisht për zbatimin e këtyre rregullave.
Në disa prej bashkive që Rama publikoi më herët, njerëzit do të lejohen të lëvizin lirshëm gjatë orarit 9:30 me 17:30.
Rama zbulon hartën e zonave të gjelbërta, ja ku do mund të lëvizet lirisht në orarin 9.30-17.30
Sa i përket pensionistëve, kryeministri tha se do të lejohen të lëvizin çdo ditë deri në orën 08:30. Ai i bëri thirrje kryebashkiakëve që t’i shohin me shumë kujdes dhe me vëmendje të veçantë të moshuarit, pasi ata janë më të rrezikuarit nga koronavirusi.
“Risku i ulët nuk do të thotë që ju jeni në zona të paprekshme, sikundër nuk do të thotë se nëse rregullat nuk zbatohen, zona nuk mund të kthehet nga e gjelbër në të kuqe. Doja të komunikoja drejtpërdrejt me ju, që të merrni masat personalisht. Ndiqni nga afër gjithë zhvillimin e kësaj hapjeje pas një periudhe jo të vogël të mbyllur. Ju them së pari se do të ketë një fashë të veçantë për pensionistët cdo mëngjes, pra që deri në orën 08:30 të mëngjesit pensionistët do të kenë mundësi për lëvizje, për të marrë ajër, dhe në këtë fashë nuk do të ketë këmbësorë të tjerë, vetëm ata që do të kenë autorizimin për të shkuar në punë.
Është shumë delikate çështja e të moshuarve, ndaj dhe duhet shumë kujdes e vëmendje nga ana juaj, që të garantohet që kjo orë nuk do të kthehet në problem. Pastaj, mund të lëvizin gjithë të tjerët, por me kushtin jo më shumë se dy persona në ecje dhe në asnjë mënyrë makinat të lëvizin jashtë zonës. Kjo do të thotë që makinat mund të lëvizin vetëm brenda Qarkut të Dibrës, Gjirokastrës, por jo të dalin në qytetet e tjera.
Do penalizohet dhe nuk ka asnjë mundësi. Dhe drejtori do i japë mundësi që mos shfrytëzohen për punë për të shkuar në zona të tjera që ka autorizime edhe me 3 turne dhe mos bëjnë lojëra. Mbyllni parqet dhe Policia duhet të ketë në vëmendje bashkë me ushtrinë të mos lejohen frekuentimi i parqeve, mos ketë liri për piknik apo xhiro.
Këto janë ato që kisha si porosi. Vendosni njerëzit tuaj jo për të bërë policin, por për të ndihmuar qytetarët të respektojnë rregullat. E dimë shumë mirë që mund të rrimë mbyllur edhe me vite por po nuk u gjend vaksina virusi është këtu, tek penxherja tek dera. Hapja sjell patjetër edhe një rrezik dhe nuk është e thënë që në këto zona që nuk janë identifikuar mos kenë, janë asimptomatikë apo mos kenë nesër pozitivë. Por nëse kemi rregulla numri i pozitivëve nuk e kalon, nuk e sprovon.
Ka shumë rëndësi që nga kjo javë që vjen, deri në mesin e javës tjetër të kuptojmë si ecën dinamika për hapje që njerëzit të dalin në oraret e tyre. Pas orës 17:50 është siç kanë qenë dhe lejohen vetëm ata që kanë punuar me turne apo ku di unë”, tha ai.
