Në kohën kur në SHBA po zhvillohen zgjedhjet presidenciale, Ambasada Amerikane në Tiranë ka zbuluar diskutimet e rëndësishme që ka zhvilluar mbrëmjen e djeshme ambasadorja Yuri Kim.
Ambasada, me anë të një njoftimi të shpërndarë në Facebook, njofton se Kim ka zhvilluar një diskutim virtual mbi zgjedhjet në SHBA me pjesëmarrjen e udhëheqësve, përfaqësuesve të organizatave joqeveritare dhe aktivistëve të forumeve rinore politike, nga Shqipëria.
Statusi
Ambasadorja Yuri Kim mbajti një diskutim virtual mbi zgjedhjet në Shtetet e Bashkuara mbrëmjen e djeshme me pjesmarrjen e udhëheqësve, përfaqësuesve të organizatave joqeveritare dhe aktivistëve të forumeve rinore politike nga Shqipëria. Grupi diskutoi rolin e rëndësishëm që zgjedhjet e lira dhe të drejta luajnë në një demokraci dhe Ambasadorja Kim nënvizoi rëndësinë që kanë të qenurit i informuar dhe pjesmarrja në proceset demokratike.
Gara mes Trump dhe Joe Biden mbetet ende e hapur. Fushatën zgjedhore në SHBA e ka ‘përcaktuar’ pandemia e koronavirusit, e cila e ka goditur rëndë SHBA-në. Biden e ka kritikuar politikën e ndjekur nga Trump, në menaxhimin e pandemisë.
