E diel, 17 Tetor, 2021
12.5 C
Tirana

Zero tolerancë!I vendos ‘vijat e kuqe’ ministrave, ndërkombëtarët urojnë Ramën

Kryeministri Rama dhe ministrat e kabinetit të ri janë betuar sot te presidenti Meta, për të nisur punën për mandatin e tretë qeverisës.

Pak pas betimit të qeverisë ‘Rama 3’ te presidenti Ilir Meta, ka ardhur një mesazh urimi nga Prezenca e OSBE-së në Shqipëri. “Prezenca e OSBE-së i shpreh urimet më të mira Qeverisë shqiptare me rastin e betimit të saj në detyrë para Presidentit të Republikës. Shqipëria ka një qeveri të re dhe shtysa të reja politike për të çuar përpara agjendën kombëtare dhe për të sjellë ndryshime të mëtejshme. Prezenca është e gatshme të vazhdojë t’i mbështesë përpjekjet e Shqipërisë për realizimin e reformave institucionale dhe presim me padurim të çojmë përpara angazhimet ekzistuese si dhe të nisim të reja si këto, me synim adresimin e nevojave të vendit tonë pritës, në përputhje me Mandatin tonë, në fushat e identifikuara si përparësi nga Qeveria në programin e saj të shpallur së fundmi: përfundimi i reformës në sistemin e drejtësisë, lufta kundër krimit të organizuar dhe korrupsionit, modernizimi i sektorit të sigurisë në vend, reforma zgjedhore. Rifillimi i jetës parlamentare me pjesëmarrjen e të gjitha partive politike dhe programi i shpallur zyrtarisht i Qeverisë së re përbëjnë një bazë solide demokratike për përparimin e mëtejshëm politik dhe ekonomik të vendit. Prezenca ka nderin që të jetë një partner i vendosur në avancimin e agjendës së reformave të Shqipërisë”, thuhet në urim.

Komisioneri për Zgjerimin, Oliver Varhelyi, ka përcjellë një urim ndaj kryeministrit Rama, për mandatin e tretë qeverisës. Me një postim në Twitter, ai shkruan se dialogu konstruktiv politik është çelësi i koordinimit për në Bashkimin Europian.

“Urime Edi Rama dhe qeveria e Shqipërisë në marrjen e detyrës. Pres me padurim të punoj me ju dhe pres që integrimet #EU dhe sundimi i ligjit të shfaqen në rendin e ditës. Dialogu konstruktiv politik është çelës i fortë koordinimi për në Bashkimin Europian”, shkruan Varhelyi.

Lexo edhe :   Basha pas përplasjes me bazën e partisë: S'pështyj në partneritetin me Berishën

I ngjashëm me urimin e Varhelyi ishte edhe ai i ambasadorit të BE në Shqipëri, Luigi Soreca. “Ne urojmë Kryeministrin Edi Rama dhe qeverinë shqiptare për mandatin e ri. Ne presim që integrimi në BE dhe të gjitha reformat e lidhura me të, duke përfshirë reformën në drejtësi të jenë primare në axhendën e qeverisë. Koordinimi i fortë inter-institucional është kyç për ardhjen”.

Lexo edhe :   "Satelitët në hapësirë"/Rama-gazetarëve: Qeshni se ju bën mirë për shëndetin

Edhe ambasadorja amerikane Yuri Kim ka uruar kryeministrit Edi Rama për nisjen zyrtarisht të detyrës së qeverisë në mandatin e tretë.

“Urime Kryeministrit Edi Rama për fillimin zyrtarisht të mandatit të tretë historik. SHBA pret të punojë intensivisht me forcimin e demokracisë, mbrojtjes dhe biznesit. Urime dhe suksese!”, shkruan ambasadorja.

Ceremonia e betimit të qeverisë së re nuk u transmetua drejtpërdrejt. Teksa të gjithë prisnin që në Presidencë të shkonin ministrat, gjithçka kishte ndodhur brenda godinës dhe i gjithë kabineti qeveritar u largua nga ky institucion.

- Reklama -

Më shumë nga kategoria




Të fundit

Mbështetësve të Lulzim Bashës tani po u del “droga”

Nga: Alfred Peza Lehtësia e papërballueshme me të cilën Lulzim Basha u artikuloi vendimin për largimin e Sali Berishës nga Grupi Parlamentar i PD, pas...

Itali/Vodhi brioshët, të nesërmen i paguan. Pronari i lokalit i ofron një punë

Ai vjedh brioshët në lokal, pastaj të nesërmen kërkon falje dhe paguan. Një histori dëshpërimi, por edhe mbi të gjitha dinjiteti dhe solidariteti që...

Kolumbia sterilizon hipopotamët e “Mbretit të kokainës”

Një grup hipopotamësh - një trashëgimi e padëshiruar pas vdekjes së mbretit famëkeq të drogës kolumbiane Pablo Escobar - po sterilizohen. Escobar, i cili u...

Rusia në gjendje emergjence nga infektimet, një mijë të vdekur në një ditë

Rusia të shtunën regjistroi 1.000 vdekje në një ditë të vetme për herë të parë, që kur filloi pandemia. 222.000 vdekjeve nga Covid është...

Misioni Lucy i NASA-s do të kërkojë ‘fosilet’ e Sistemit Diellor

Një anije kozmike është nisur nga Kepi Canaveral me një mision për të zbuluar "fosilet" e Sistemit Diellor. Sonda Lucy do të shkojë në...