E enjte, 21 Tetor, 2021
8.5 C
Tirana

Greku dhe italiani, dy rastet që ‘nxinë’ Shqipërinë

Një italian dhe një grek tentuan të ‘nxinin’ Shqipërinë, për të arritur objektivat e tyre. Skenarët ishin të ngjashme me ato kinematografikë, për të shpëtuar veten. Babis Anagnostopulos i mori jetën bashkëshortes, në sy të foshnjes së tyre. Për më shumë se një muaj, bashkëshorti i Caroline u përpoq të devijonte pistat hetimore, duke ngritur pretendimet se grabitësit kishin qenë shqiptarë.

Arrestimi i bashkëshortit të Caroline, si për ironi të fatit ndodhi ditën e ceremonisë së përkujtimit të saj, ku bashkëshorti njëkohësisht edhe vrasësi i saj, mbante fjalimin. Ora e viktimës tregonte kohën reale të vdekjes së saj, pikërisht 4:11, gjë që nuk përkonte me atë që kishte dëshmuar Babis Anagnostopulos.

Madje, ora e këtij të fundit tregonte aktivitet të shtuar, gjë e çuditshme për një person që ka të lidhura duar e këmbë. 32-vjeçari Babis Anagnostopoulos, pranoi se e vrau bashkëshorten e tij Caroline dhe më pas sajoi një grabitje, pasi ajo e kishte kërcënuar se donte divorcin.

Pasi e mbyti me jastëk, Babis tregonte se e kishte zënë paniku kur e kishte parë të vdekur dhe për këtë arsye, duke qenë e pamundur të zhdukte trupin, kishte menduar të shpikte grabitjen e sajuar.

Gjatë marrjes në pyetje nga policia, Babis rrëfente se 20-vjeçarja ishte shumë agresive dhe se hodhi foshnjën në krevat, e më pas e goditi natën e vrasjes, gjë që e kishte bërë të dilte nga kontrolli.

Rasti i dytë i përket biznesmenit italian Davide Pecorelli, i cili u gjet 9 muaj pas zhdukjes. Ai kishte dalë nga Shqipëria duke nisur një jetë të re në Toscana, ku u gjet nga policia italiane në një gomone në brigjet e Livornos.

Shkak për këtë sajesë ishin bërë borxhet që kishte në Itali, pas falimentimit të bizneseve të tij. Davide synonte që të përfitonte nga siguracionet e jetës. Në makinën e marrë me qira në Tiranë, policia gjeti edhe një trup të djegur, ndërsa tani shtohet misteri se kujt i përket ai.

Pecorelli po kalonte një periudhë shumë të vështirë në menaxhimin e bizneseve të tij. Nga shtatori i kaluar ai ishte zhvendosur në Shqipëri, duke tregtuar makina të shtrenjta me vlerë deri në dhjetëra mijëra euro.

Pak kohë para zhdukjes, ai kishte shkëmbyer mesazhe me një mik të cilit i kishte thënë se do të shkonte në Shqipëri, për të mbyllur disa punë me disa profesionistë vendas.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...