E enjte, 21 Tetor, 2021
8.5 C
Tirana

Si u zbulua pas 9 muajsh se ishte gjallë, zbardhet skema e biznesmenit italian

Biznesmeni italian Davide Pecorelli, shokoi mbarë opinionin publik në Itali dhe në Shqipëri me ringjalljen. Ai është gjetur gjallë në Toscana të Italisë, pas 9 muajsh hetime nga gjetja e makinës së tij të djegur në Pukë. Sakaq, kockat e gjetura në makinën e djegur të cilat u hetuan fillimisht si të Pecorellit, janë marrë nga një varrezë e vjetër, për të bindur policinë dhe të afërmit se ai ka vdekur. Nga Shqipëria ai u largua në mënyrë ilegale nga Hani i Hotit për të shkuar më pas drejt Italisë, dhe në këtë skemë mashtrimi dyshohet se është ndihmuar edhe nga shqiptarë, kundrejt pagesës.

Skema e tij është zbardhur falë dëshmisë së një personi, duke thënë se ai është gjallë. Hetuesit e çështjes kishin zbuluar më parë shenja të cilat tregonin se ai ishte gjallë.

Madje kryeprokurori, Raffaele Cantone dhe Zëvendësprokurori Giuseppe Petrazzini kishin deklaruar se ata kishin dëshminë e një personi, i cili kishte deklaruar se e kishte parë Pecorellin shëndoshë e mirë. Biznesmeni italian kishte inskenuar vdekjen e tij tragjike në Pukë, ku kishte djegur makinën të cilën e kishte marrë me qira, dhe në të cilën ishin gjetur disa eshtra.

Të dhënat e fundit për Pecorellin ishin disa mesazhe që ai i kishte shkëmbyer me një mik, në të cilin ai theksonte se gjendej në Shqipëri, për të negociuar me bizneset vendase.

- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...