Presidenti i Serbisë Aleksandar Vuçiç deklaron se Shqipëria dhe Maqedonia e Veriut e meritojnë hapjen e negociatave me Bashkimin Evropian.
Gjatë një konference të përbashkët për shtyp me Edi Ramën dhe kryeministrin maqedonas, Zoran Zaev, Vuçiç u shpreh se nëse BE nuk çel negociatat me Shqipërinë pas një jave, një vendim i tillë nuk do të jetë për faj të Shqipërisë.
“BE duhet të hapë negociatat me Shqipërinë dhe Maqedoninë e Veriut pasi e meritojnë këtë gjë. Nëse nuk ndodh, nuk është për fajin e tyre, por BE ka arsyet e veta të brendshme”, tha presidenti serb.
Sa i përket marrëveshjes së ‘Shengenin Ballkanik’ thekson se do të ndikojë pozitivisht në ekonomitë e vendeve përkatëse.
“Deri në fund të 2021 do të krijojmë kushtet duke shfrytëzuar maksimalisht ID për kufirin me Shqipërinë, takimet e mëtejshme s’do ju duhen pasaporta për të kaluar kufirin me Shqipërinë.
Janë 26 mln orë që humbin kamionët tanë nëpër Ballkan, nëse heqim këto barriera do ketë ekonomi më të mirë”, tha presidenti serb.
Takimi i radhës do të mbahet më 10 nëntor në Ohër, ku pritet të ndërmerren masa konkrete për këtë marrëveshje.
