Lëkundjet e tërmetit s’kanë të ndalur në Kroaci. Mëngjesin e sotëm, Kroacia është tronditur edhe nga dy tërmete të tjera, me epiqendër në zonën e Petrinjës dhe Lekenikut. Më i forti prej tyre kishte fuqinë 4.8 ballë të shkallës Rihter dhe u ndje në orën 06:15. Tërmeti pati një thellësi prej 5.4 kilometrash.
11 minuta më vonë, Kroacia u lëkund sërish nga një tjëtër tërmet me fuqi 4.7 ballë, me thellësi prej 10 kilometrash.
Një ditë më parë, Kroacia u shkund nga tërmeti me magnitudë 6.3. Epiqendra e tërmetit ishte afër Petrinja, por ai u ndie fuqishëm në të gjithë vendin.
7 persona kanë humbur jetën, 20 janë plagosur, ndërsa dëmet materiale janë të mëdha.
