Policja e Kosovës godet një vajzë në mes të rrugës, ja çfarë ndodhi

Dy efektivë të Policisë së Kosovës janë filmuar këtë të martë në afërsi të një shkolle në Vushtrri, duke goditur një vajzë. Në video shihet se si policja e godet duke i bërtitur me fjalët: “Ti mu lopë a?”, ndërsa kolegu i saj vështron. Lidhur me këtë ngjarje ka reaguar zyrtarisht policia, ku thuhet se kanë qenë dy vajza që kanë reaguar dhunshëm.

Policia bën të ditur se teksa efektivët e policisë kanë qenë duke patrulluar, kanë vërejtur një mjet që kishte bllokuar rrugën. Ata kanë kërkuar që mjeti të largohej, ndërsa dy vajzat kanë shpërthyer keq.

“Një mashkull kosovar dhe një femër kosovare zyrtar policor, deri sa ishin duke patrulluar kishin vërejtur një veturë që ishte ndalur dhe për shkak të bllokadës së rrugës kanë kërkuar që vetura të largohet. Dy femra kosovare dhunshëm kanë reaguar ndaj zyrtarëve policor dhe të njëjtat kanë refuzuar të identifikohen. Lidhur me rastin është marr edhe Inspektorati Policor. Me vendim të prokurorit, rasti shkon në procedurë të rregullt”, thuhet në njoftim.