Update/Pas mbërritjes së tij në Gjermani kryeministri Edi Rama ka dhënë një intervistë radiofonike për mediat atje. Gjatë intervistë ai e ka krahasuar kancelaren Angela Merkel me Papën.
Dhe ky krahasim nuk është krejt i rastësishme, pasi Gjermani ka mbajtur një qëndrim disi më të ftohtë në lidhje me hapjen e negociatave për vendit tonë, që të jetë pjesë e BE-së.
“Angela Merkel është një kampione evropiane. I gjithë rajoni i Ballkanit ka shumë shpresë tek ajo,”- tha Rama për Rrjetin Editorial Germany (RND).
“Pra, është normale që çdo kryetar i një qeverie në Ballkan, që shkon në Berlin ndihet pak si një pelegrin që dëshiron ta shohë Papën”.
Rama këmbëngul që Shqipëria të hapë sa më shpejt negociatat për pranimin në BE. “Ne dëshirojmë të bëhemi anëtar sot”, tha kryeministri i Shqipërisë në RND. Në Ballkan, njerëzit janë optimistë rreth bashkimit në BE-në.
“Për ne Evropa është ajo që ishte për etërit themelues: një projekt paqeje”.
Bashkimi Evropian po diskuton tani nëse duhet të hapen bisedimet e pranimit me Shqipërinë. Si Komisioni i BE dhe Presidenti i Këshillit të BE Donald Tusk rekomandojnë hapjen e negociatave. Nga ana tjetër, ka skepticizëm midis shteteve anëtare.
Video/Rama nis takimet në Bundestag, ja kush e shoqëron
Kryeministri Edi Rama ka nisur vizitën zyrtare në Bundestag, duke u pritur nga Presidenti i Parlamentit gjerman, Wolfgang Schäuble.
Videon e mbërritjes se tij ne Bundestag dhe takimin me presidentin, Rama ka preferuar ta ndajë me gjithë ndjekësit e tij në rrjetin social ‘Facebook’.
Rama në këtë takim është i shoqëruar nga kreu i grupit parlamentar të PS-së Taulant Balla.
Foto/Rama nis vizitën në Gjermani, ja kush e priti në Aeroport
Kryeministri Edi Rama ka nisur një tur vizitash në Gjerman, ku dhe pritet të takohet me kancelaren Angela Merkel duke i paraprin vendimit të qershorit për çeljen e negociatave për anëtarësim të Shqipërisë në BE.
Kryeministri Rama ditën e sotme ka postuar një foto nga ceremonia e pritjes, teksa bën urimin e mëngjesit në profilin e tij, ne rrjetin social “Facebook’.
Ndërsa edhe këshilltari i kryeministrit, Endri Fuga shpërndau foton nga momenti i mbërritjes së Ramës në Gjermani. “Një ceremoni vërtet mikpritëse për kryeministrin Edi Rama”, shkruan ai në Twitter.
Ajo në fakt që të bie në sy është se në këtë vizitë, shefi i ekzekutivit shqiptar nuk është pritur nga kancelaria Merkel, por nga ambasadori i Shqipërisë Artur Kuko
Vizita në Gjerman i paraprin vendimit të qershorit për çeljen e negociatave për anëtarësim të Shqipërisë në BE.
