E premte, 6 Gusht, 2021
25.5 C
Tirana

Konflikti i ri/ Erdogan i hakërrehet Trump: Të rikujtojmë që…

Turqia ka kundërshtuar “shprehjet e gabuara dhe komentin subjektiv historik” në deklaratën me shkrim nga presidenti amerikan Donald Trump në lidhje me ngjarjet e vitit 1915, transmeton Anadolu Agency (AA).

Në një deklaratë me shkrim, Ministria e Jashtme e Turqisë ka theksuar se “kundërshtojmë shprehjet e gabuara dhe komentin subjektiv historik në deklaratën me shkrim më 24 prill 2018 nga presidenti i Shteteve të Bashkuara, Donald Trump, në lidhje me ngjarjet e vitit 1915”.

Në deklaratën e ministrisë bëhet e ditur se Turqia pret nga qeveria amerikane të vlerësojë me një qasje të drejtë këtë periudhë, ku të gjithë kombet e Perandorisë Osmane përjetuan dhimbje të mëdha.

“I rikujtojmë presidentit Trump se në të njëjtën periudhë ishin edhe më shumë se 500 mijë muslimanë të cilët u masakruan për shkak të ngjarjeve ku kanë qenë të pranishëm kryengritësit armenë. Turqia vazhdon të propozojë zbardhjen e kësaj periudhe të dhimbshme të historisë me formimin e një komisioni të përbashkët historik dhe ajo ka hapur arkivat për hulumtuesit”, thuhet në deklaratë.

Gjithashtu, në deklaratë bëhet e ditur se armenët e Perandorisë Osmane që kanë humbur jetën në Luftën e Parë Botërore edhe këtë vit më 24 prill janë përkujtuar me respektin që meritojnë me një ceremoni fetare të zhvilluar në Patriarkanën Armene të Stambollit, në përputhje me miqësinë 800 vjeçare turko-armene.

“Administratës amerikane i rekomandojmë që të marrin në konsideratë mesazhin e datës 24 prill nga presidenti ynë Recep Tayyip Erdoğan, i cili iu drejtua nipërve të armenëve osmanë me rastin e ceremonisë në fjalë dhe reflektoi qasjen e Turqisë për këtë çështje të ndjeshme. Ne besojmë se, duke pasur parasysh të gjithë këta faktorë, deklarata e presidentit të Shteteve të Bashkuara mbetet brenda normave ligjore ndërkombëtare, ndërsa fakti që nuk ka shprehur pretendime të pabaza për gjenocid përbën një veprim me mençuri”, theksoi ministria.

Ndryshe, reagimi i Turqisë vjen pasi Trump në një deklaratë me shkrim në lidhje me 24 prillin, i cili nga armenët shënohet si përvjetori i ngjarjeve të vitit 1915, përdori shprehjen “Meds Yeghern”, e cila në gjuhën armene do të thotë “fatkeqësi e madhe”.

- Reklama -

Më shumë nga kategoria




Të fundit

Zyrtare/ Messi largohet përfundimisht nga Barcelona

Lionel Messi nuk do të jetë më pjesë e Barcelonës. Njoftimi ka ardhur nga klubi katalanas, ku zyrtarizoi “divorcin” me yllin argjentinas për arsye...

Kryengritja në gotë e Sali Berishës kundër SHBA

Nga: Mero Baze Sali Berisha i harxhoi gjithë fishekët kundër SHBA, në një përpjekje për t’u dëshmuar atyre se ka pas Partinë Demokratike dhe do...

Ish-shefi i Ndërlidhjes: Ju rrëfej sozinë që përdorte Enveri në Pogradec

Inxhinier Luan Pogaçi, ish-shefi i Ndërlidhjes dhe Informacionit i Drejtorisë së Dytë të Ministrisë së Brendshme, numrin e kaluar ka kujtuar bëmat e Hekuran...

Kemi kryetar, por jo lider! PD, zyrtarisht në konflikt

Nga: Fatbardh Kadilli Nuk mjafton të ulesh në karrigen e kryetarit që të kryesosh, të udheheqësh. Janë gjëra të ndryshme. Kryetar të bëjnë vendimet. Kryetar...

Asnjë humbje jete nga Cov*d-i gjatë 24 orëve të fundit, rriten infektimet

Dita-ditës po shtohen infektimet. Duket se thirrjet e Ministrisë së Shëndetësisë për të zbatuar masat anti-Covid, kanë shkuar në "vesh të shurdhër" për këtë...