Kapriçot e motit kanë “pushtuar” sot Tiranën. Vetëm pak minuta më parë, në kryeqytet ka rënë një super breshër.
Madje, personi që ka dërguar pamjet pranë redaksisë së Tirana Today, shprehet se për shkak të breshërit ka pasur edhe thyerje xhamash të disa automjeteve.
Interesant është fakti që teksa në një pjesë të Tiranës ka rënë breshër, në një tjetër pjesë të kryeqytetit moti ka qenë i vranët, por i ngrohtë.
Në raste të tilla, kapriçot e motit s’mund të parashikohen. Gjithsesi, ju sugjerojmë të tregoheni të kujdesshëm dhe nëse ju duhet vërtet të dilni, kini parasysh raste të tilla.
