Pamje të rënda janë publikuar në rrjetet sociale nga protestat e mbrëmshme që u zhvilluan në Serbi, për të kundërshtuar orën policore të vendosur nga qeveria.
Në një video që është shpërndarë në Twitter, shihet sesi tre qytetarë të ulur në stol sulmohen dhe rrihen nga policët serbë, të cilët i godasin me shkopinj gome. Ata nuk shihen të bëjnë asnjë lloj rezistence, ndërsa policia vijon edhe i godet.
Kakva je ovo sramota! Zauvek obrukali srpsku uniformu! Zauvek! pic.twitter.com/PRkZ39UgkU
— Balša Božović (@Balshone) July 7, 2020
Videoja është shpërndarë edhe nga raportuesja për Kosovën në Parlamentin Evropian, Viola Von Cramon. Në postimin e saj, ajo shkruan se Vuçiç po sulmon brutalisht qytetarët e rëndomtë dhe kalimtarët e rastit.
Protestat shpërthyen mbrëmjen e djeshme, pasi qeveria vendosi të rikthente kufizimet në orar, pas rritjes së rasteve me koronavirus.
